Mariko 16:10 - Bibiliya mu Kirundi coroshe

¹⁰ Na we aca aja kubwira abigishwa iyo nkuru. Abigishwa bari bakigandaye, bamuririra.

Bibliya Yera 1951 1967 (Burundi)

¹⁰ Uwo aragenda, abibarira abābana na we, asanga bababaye barira.

Mariko 16:10 ပူးပေါင်းရင်းမြစ်များ

Yohana 20:18

Mariya Magadalena aca aja aho abigishwa bari bari arababwira ati: “Nabonye Umwami!” Aca ababwira ivyo Yesu yamubwiye.

Yohana 16:6

Yamara imitima yanyu yuzuye umubabaro kubera ivyo ndababwiye.

Luka 24:17

Yesu arababaza ati: “Ivyo mugenda muraganira ni ibiki?” Nuko baca barahagarara, bijiriwe cane.

Mariko 14:72

Uwo mwanya nyene isake ica ibika ubugira kabiri. Nuko Petero na we aca aribuka ijambo Yesu yari yamubwiye ati: “Isake itarabika kabiri, uzoba umaze kunyihakana gatatu kose, uvuga ko utanzi.” Maze aca araturikisha ararira.

Matayo 9:15

Yesu arabishura ati: “Mbega abatumire b’umukwe bogandara bakiri kumwe na we? Ariko hazogera aho umukwe abakurwamwo; ico gihe rero bazoheza bisonzeshe.

Matayo 24:30

Inyuma y’ivyo, ni ho ikimenyetso cerekana kugaruka kw’Umwana w’Umuntu kizogaragara kw’ijuru, kandi hazoba amaborogo mu bantu bo mu moko yose yo kw’isi. Ni ho bazobona Umwana w’Umuntu aje ku bicu afise ububasha bwinshi n’icubahiro.

Matayo 19:22

Uwo musore avyumvise, aca agenda ababaye, kuko yari afise ubutunzi bwinshi cane.