Luka 5:11 - Bibiliya mu Kirundi coroshe

¹¹ Baca bakwegera ubwato bwabo ku nkengera y’ikiyaga, basigaho vyose, baramukurikira.

Bibliya Yera 1951 1967 (Burundi)

¹¹ Bahejeje gushikana amato yabo ku nkombe, basiga vyose, baramukurikira.

Luka 5:11 ပူးပေါင်းရင်းမြစ်များ

Matayo 10:37

Umuntu wese akunda se canke nyina akabandutisha ntankwiriye; uwukunda umuhungu wiwe canke umukobwa wiwe akamundutisha uwo na we nyene ntankwiriye.

Matayo 19:27

Petero aramwishura ati: “None ko twebwe twasize vyose tukagukurikira, tuzoronka iki?”

Matayo 19:29

Kandi nta muntu n’umwe yasize inzu, canke abavukanyi, canke se, canke nyina, canke umugore, canke abana, canke amatongo kubera izina ryanje, atazobishumbushwa incuro ijana kandi akaragwa n’ubugingo budashira.

Matayo 4:20

Ubwo nyene, baca basiga ngaho insenga zabo, baramukurikira.

Matayo 4:22

baca basiga ubwato na se baramukurikira.

Mariko 10:21

Yesu aramuraba yumva aramukunze. Aramubwira ati: “Hari ikintu kimwe ugihajije. Genda ugurishe ivyo utunze vyose, maze amahera ukuyemwo uyahe abakene; ni ho uzoronka ubutunzi mw’ijuru, hanyuma uze unkurikire.”

Luka 5:28

Lewi aca ava hasi, aramukurikira.