Luka 21:36 - Bibiliya mu Kirundi coroshe

³⁶ Nuko rero mwame maso, musenge kugira ngo muze muronke inkomezi zibashoboza kurengana ivyo vyose, no kugira ngo muze mushobore guhagarara imbere y’Umwana w’Umuntu.”

Bibliya Yera 1951 1967 (Burundi)

³⁶ Mwame mugavye, musenge mu bihe vyose, kugira ngo muze mushobore guhunga ivyo vyose bigira bibeho, ngo muhagarare imbere y’Umwana w’umuntu.

Luka 21:36 ပူးပေါင်းရင်းမြစ်များ

Matayo 24:42

Kubera ivyo rero mube maso, kuko mutazi umusi Umwami wanyu azozirako.

Matayo 24:43

Mutahure ibi: Iyaba nyene inzu yomenye isaha igisuma kizira ko, yoteramye ntiyokwemera ko kimena inzu yiwe.

Matayo 24:44

Ni co gituma namwe mukwiye kwama mugavye, kuko Umwana w’Umuntu azoza mu gihe mutamwiteze.

Matayo 25:13

Nuko rero mube maso, kuko mutazi umusi n’isaha.

Matayo 26:41

Nimube maso musenge kugira ngo ntimutsindwe n’amageragezwa. Kuko umutima urabikunze ariko umubiri ufise intege nke.”

Matayo 8:20

Yesu aramwishura ati: “Imbwebwe zirafise imyobo zibamwo n’inyoni zo mu kirere zirafise ivyari, ariko Umwana w’Umuntu ntagira n’aho akika umusaya.”

Mariko 13:33

Nuko rero mwame mugavye, muterame, kuko mutazi aho ico gihe kizoshikira.

Mariko 13:37

Ibi ndabibwiye mwebwe, ndabibwira n’abandi bose: ‘Nimube maso!’ ”

Luka 1:19

Wa mumarayika aramwishura ati: “Ndi Gaburiyeli, kandi nama mpagaze imbere y’Imana. Ni yo yandungitse kukubwira iyi nkuru nziza.

Luka 18:1

Yesu aca abacira umugani, kugira ngo abereke ko bakwiye kwama basenga, ntibadendebukirwe.

Luka 20:35

Ariko abazoba babereye gushika muri ya si izoza no mw’izuka ry’abapfuye ntibazorongora canke ngo barongorwe.

Luka 21:35

kuko uko ari ko uzoshika ku bari kw’isi bose.

Ivyakozwe 10:2

We n’umuryango wiwe bari bariyeguriye kwubaha Imana. Yaratanga ivyiwe abifashisha aboro, kandi agasenga cane yamizako.

1 Korinto 16:13

Mube maso, mushikame mu kwizera, mube abagabo, mugire umwete, mugire umutima rugabo.

2 Korinto 4:14

Turazi ko Imana yazuye Yesu mu bapfuye izotuzurana na we, itwerekane hamwe namwe imbere yiwe.

Kolosayi 4:2

Mushishikarire gusenga, mube maso kandi mushima.

1 Tesalonike 5:17

Musenge ubudahumeka.

2 Timoteyo 4:5

Ariko wewe, wame uri maso muri vyose, wihanganire ibikubabaza, ukore igikorwa c’umuvuzi w’Ubutumwa Bwiza, ushitse ku musozo ibango Imana yaguhaye.

1 Petero 4:7

Umuhero wa vyose uri hafi. Ku bw’ivyo, mukwiye kubaho mwirinda kandi mugavye kugira ngo mushobore gusenga.

1 Petero 5:8

Mwame mugavye. Wa mwansi wanyu, ari we Satani, azunguruka hirya no hino aroha nk’intambwe, arondera uwo yorotsa.

1 Yohana 2:28

Bana nkunda, nimugume muri Kristo kugira ngo aho azohishurirwa tuze dushire amanga, ntitwicwe n’isoni imbere yiwe niyagaruka.

Yuda 1:24

Imana irashoboye kubazigama ngo ntimurwe no kubashikana imbere y’ubwiza bwayo mutagira ico mwogawa kandi munezerewe cane.

Ivyahishuwe 11:4

Ivyo vyabona bibiri ni vyo biti bibiri vya elayo na vya biterekwako amatara bibiri bihagaze imbere y’Umwami Imana nyene isi yose.

Ivyahishuwe 6:17

kuko umusi uhambaye w’uburake bwabo urashitse, kandi nta wushobora kuwuhangara.”

Ivyahishuwe 7:9

Inyuma y’ivyo nca mbona isinzi ry’abantu batoharurika, bavuye mu mahanga yose, mu moko yose no mu ndimi zose, bahagaze imbere ya ya ntebe y’inganji n’imbere ya wa Mwagazi. Bari bambaye amakanzu yera, bafise n’amashami y’ibigazi mu minwe.

Ivyahishuwe 8:2

Nca mbona ba bamarayika indwi bahagaze imbere y’Imana bahawe inzamba indwi.