Luka 19:10 - Bibiliya mu Kirundi coroshe

¹⁰ Umwana w’Umuntu yazanywe no kurondera hamwe no gukiza abazimiye.”

Bibliya Yera 1951 1967 (Burundi)

¹⁰ Kand’ Umwana w’umuntu yazanywe no kurondera no gukiza icari cazimiye.

Luka 19:10 ပူးပေါင်းရင်းမြစ်များ

Matayo 1:21

Azovyara umwana w’umuhungu, nawe uze umwite Yesu, kuko ari we azokiza abantu biwe ivyaha vyabo.”

Matayo 10:6

Ariko, mugende mu ntama zazimiye za Isirayeli.

Matayo 15:24

Nuko Yesu abwira wa mugore ati: “Natumwe ku ntama zazimiye za Isirayeli gusa.”

Matayo 18:10

Mwirinde ntimugakengere umuntu n’umwe muri aba bato, kuko ndababwira yuko abamarayika babo bama bahanze amaso Data wo mw’ijuru. [

Matayo 18:11

Kuko Umwana w’Umuntu yazanywe no gukiza abazimiye.]

Luka 15:32

Vyari bikwiye ko tugira umusi mukuru tukanezerwa kuko umuvukanyi wawe yari yarapfuye none arazutse, yari yarazimiye none arazimurutse.’ ”

Luka 15:8

Canke nk’umugore yoba afise ibiceri cumi vy’ifeza, hanyuma kimwe kigatakara, mbega ntiyokwatsa itara, agakubura inzu yose, akakirondera gushika agitoye?

Yohana 3:17

Erega Imana ntiyatumye Umwana wayo kw’isi gucira urubanza abari kw’isi, ahubwo yamutumye kugira ngo ibakize biciye muri we.

Abaroma 5:6

Igihe twari tukiri abanyantegenke, Kristo yaraje, aza mu gihe Imana yashinze, maze aradupfira twebwe abanyavyaha.

Abaheburayo 7:25

Ni co gituma ashobora gukiza rwose abegera Imana bamwisunze, kuko abaho ibihe vyose abasengera ku Mana.