Ivyakozwe 4:22 - Bibiliya mu Kirundi coroshe

²² Uwo muntu yari yakize mu buryo bw’igitangaza yari afise imyaka irenga mirongo ine.

Bibliya Yera 1951 1967 (Burundi)

²² Kuk’ uwo muntu yar’ arengeje imyaka mirongwine avutse, uwakozwekw ico kimenyetso co kumukiza.

Ivyakozwe 4:22 ပူးပေါင်းရင်းမြစ်များ

Matayo 9:20

Umugore yari amaranye imyaka cumi n’ibiri ingwara yo mu gitereko yo kuva amaraso, yegera Yesu amuturutse inyuma, akora ku musozo w’impuzu yiwe.

Luka 13:11

Aho hari umugore yari amaze imyaka cumi n’umunani amugajwe n’impwemu mbi. Yari yarahetamye umugongo, ntiyashobora kugororoka.

Yohana 5:5

Umwe muri bo, yari amaze imyaka mirongo itatu n’umunani arwaye.

Yohana 9:1

Yesu ariko ararengana, abona umuntu yavutse ari impumyi.

Ivyakozwe 3:2

Hari umuntu yaremaye kuva akivuka yama azanwa imisi yose kw’irembo ryitwa Irembo Ryiza kugira ngo asege abaje mu rusengero.

Ivyakozwe 4:21

Nuko babanza kubatera ubwoba cane, hanyuma barabarekura barataha. Ntibaronse ingene bari bubahane kubera abari aho bose bariko bashima Imana ku vyari vyabaye.

Ivyakozwe 4:23

Petero na Yohana bamaze kurekurwa baca basubira aho bagenzi babo bari, babiganira ivyo abakuru b’abaherezi n’abashingantahe bababwiye.

Ivyakozwe 9:33

Maze ahasanga umugabo yitwa Ayineya, yari amaze imyaka umunani avundiye ku kirago kuko yari yarakongataye.