Ivyakozwe 20:37 - Bibiliya mu Kirundi coroshe

³⁷ Bose baraturikisha bararira, bamusezera bamugumbira.

Bibliya Yera 1951 1967 (Burundi)

³⁷ Bose bararira cane, bagwa Paulo mw izosi, baramugumbira:

Ivyakozwe 20:37 ပူးပေါင်းရင်းမြစ်များ

Luka 15:20

Nuko afata akayira aja kwa se. Akiri kure, se aramubona, afatwa n’ibigumbagumba, ariruka aja kumusanganira, aramugumbira, aramusomagura.

Abaroma 16:16

Muramukanye mu kugumbirana kwera. Amashengero yose ya Kristo arabatasha.

1 Korinto 16:20

Bene Data bose turi kumwe hano barabatasha. Muramukanye mu kugumbirana kwera.

2 Korinto 13:12

Muramukanye mu kugumbirana kwera.

1 Tesalonike 5:26

Muturamukirize bene Data bose n’ukugumbirana kwera.

2 Timoteyo 1:4

Nama nibuka amarira yawe igihe twatandukana, bikantera kwipfuza gusubira kukubona kugira ngo nuzure umunezero.

Ivyahishuwe 21:4

Izobahanagura amosozi yose ku maso yabo. Nta rupfu canke kugandara, nta kurira canke kubabara bizoba bikiriho, kuko ivya kera bizoba bikuweho.”

Ivyahishuwe 7:17

Kuko Umwagazi w’intama ari ku ngoma ari we azobabera umwungere, azobaha ku mazi y’ubugingo. ‘Kandi Imana izobahanagura amosozi yose ku maso yabo.’”