Galatiya 6:18 - Bibiliya mu Kirundi coroshe

¹⁸ Bene Data nkunda, ubuntu bw’Umwami wacu Yesu Kristo bubane n’impwemu yanyu. Amen.

Bibliya Yera 1951 1967 (Burundi)

¹⁸ Bene Data, ubuntu bg’Umwami wacu Yesu Kristo bubane n’imitima yanyu. Amen.

Galatiya 6:18 ပူးပေါင်းရင်းမြစ်များ

Ivyakozwe 1:15

Muri iyo misi, Petero ahagarara hagati y’abizera (bashika nk’ijana na mirongo ibiri),

Abaroma 1:13

Bene Data, nshaka ko mumenya ko nagerageje kenshi kuza kubaramutsa, ariko ko bitarankundira kugeza ubu. Ngomba gukorana namwe kugira ngo ndonke ivyamwa vyo mu buryo bw’impwemu, nk’uko maze kubibona mu bandi Banyamahanga.

Abaroma 16:20

Kandi Imana, itanga amahoro izofyonyorera vuba Satani musi y’ibirenge vyanyu. Ubuntu bw’Umwami wacu Yesu bubane namwe.

Abaroma 16:23

Gayo, ampaye indaro hamwe n’ishengero ryose rikoranira iwe barabaramutsa. Erasito, umunyabigega w’igisagara, hamwe na mwene Data Kwarito barabaramutsa. [

2 Korinto 13:14

Ubuntu bw’Umwami wacu Yesu Kristo, urukundo rw’Imana n’ukunywana na Mpwemu Yera bibane namwe mwese.

Galatiya 3:15

Bene Data, reka dufatire ku karorero ko mu buzima busanzwe. Iyo umuntu agiriraniye isezerano n’uwundi, nta wushobora kurikuraho canke ngo agire ico aryongeyeko. N’aha ni ko bimeze.

Galatiya 4:12

Ndabinginze bene Data ngo mumere nkanje mu kwidegemvya kuri ivyo bintu, nk’uko nanje nabaye nkamwe abanyamahanga mu kutaganzwa n’ivyagezwe. Nta kibi mwigeze munkorera aho naza kubigisha.

Galatiya 4:28

Mweho, bene Data, muri abana b’isezerano nka Isaka.

Galatiya 6:1

Bene Data, nihagira uwufatwa ariko akora icaha, mwebwe muhagaze neza muri Mpwemu, mwategerezwa kumufasha gusubira mu nzira nziza mu bugwaneza. Ariko namwe nyene mwirinde cane kugira ngo ntumugeragezwe nka we.

2 Timoteyo 4:22

Umwami Imana abane n’impwemu yawe. Ubuntu bubane namwe mwese.

Filemoni 1:25

Ubuntu bw’Umwami Yesu Kristo bubane n’impwemu yawe.

Ivyahishuwe 22:21

Ubuntu bw’Umwami Yesu bube kuri bose. Amen.