Abaroma 15:1 - Bibiliya mu Kirundi coroshe

¹ Twebwe abakomeye mu kwizera dukwiye kwihanganira abadakomeye mu kwizera, ntiturondere ibitunezereza gusa.

Bibliya Yera 1951 1967 (Burundi)

¹ Twebge abakomeye dukwiye kwihanganira intege nke z’abadakomeye, no kutinezereza.

Abaroma 15:1 ပူးပေါင်းရင်းမြစ်များ

1 Tesalonike 5:14

Kandi, turabinginze bene Data ngo muhanure ibinebwe, muremeshe abadendebukiwe, mufashe abanyantegenke, mwihanganirane.

Abaroma 14:1

Mwakire mwene Data wundi atarakomera mu kwizera, ntimumucire urubanza ku vyo atarasobanukirwa neza.

1 Korinto 9:22

Ku banyantegenke nigize umunyantege nke kugira ngo nzane abanyantegenke kuri Kristo. Nabaye vyose kuri bose kugira nkore ibishoboka vyose kugira ngo hagire bamwe muri bo bakizwa.

1 Yohana 2:14

Ndabandikiye mwebwe bana bato, kuko muzi Data. Ndabandikiye mwebwe bavyeyi, kuko muzi Kristo yamyeho kuva mu ntango. Ndabandikiye mwebwe rwaruka, kuko mufise inkomezi, kandi ijambo ry’Imana rikaba mu mitima yanyu, ndetse mwaranesheje wa mubi.

2 Timoteyo 2:1

None rero na we, mwana wanje, ugirire inkomezi mu buntu turonkera muri Kristo Yesu.

Abaroma 4:20

Aburahamu ntiyigeze anyiganyiga mu kwizera isezerano ry’Imana, ahubwo ukwizera kwiwe kwagumye gukomera, kandi ivyo vyahesheje Imana icubahiro.

Abanyefeso 6:10

Ijambo rya nyuma: mukomere mu Mwami wacu no mu bushobozi bwiwe bwinshi.

2 Korinto 12:10

Ni co gituma, ku bwa Kristo, nezerererwa intege nke, ibitutsi, imiruho, uguhamwa, n’ingorane. Kuko iyo ndi umunyantege nke ari ho mba umunyenkomezi.

1 Korinto 4:10

Turi ibijuju ku bwa Kristo, ariko mweho mwigira abanyabwenge muri Kristo. Turi abanyantegenke, ariko mweho mwigira abanyenkomezi. Muri abanyacubahiro, ariko twebwe turakengeretse.

Abaroma 14:2

Nk’akarorero, uwukomeye mu kwizera ashobora kurya indya zose. Uwundi na we, kubera atarakomera mu kwizera, agahitamwo kurya imboga gusa.

Filipi 2:4

Ntihagire ico mukora muronderera inyungu zanyu gusa, ariko mwiyumvire no ku nyungu z’abandi.