Abanyefeso 3:12 - Bibiliya mu Kirundi coroshe

¹² Muri we, kandi biciye mu kumwizera dushobora kwegera Imana mu mwidegemvyo kandi tudakekeranya.

Bibliya Yera 1951 1967 (Burundi)

¹² Muri we ni ho duhērwa ubushizi bg’ubgoba no gushikīra Imana tuyizigiye, kubgo kumwizera.

Abanyefeso 3:12 ပူးပေါင်းရင်းမြစ်များ

Yohana 14:6

Yesu aramwishura ati: “Ni jewe nzira n’ukuri n’ubugingo. Nta n’umwe ashobora gushika kwa Data atanciyeko.

Abaroma 3:22

Ukwizera Yesu Kristo ni kwo kwonyene gutuma twemerwa n’Imana nk’abagororotsi imbere yayo. Kandi ivyo Imana ibikorera uwizera Yesu Kristo wese, ata we ikumiriye.

Abaroma 5:2

Tumaze kumwizera; Kristo yadushikanye muri ubu buntu turimwo, kandi dufise umunezero no kwizigira ko tuzosangira na we ubwiza bw’Imana.

2 Korinto 3:4

Ivyo turabizi neza kubera ukwizigira Imana guhambaye dufise muri Kristo.

Abanyefeso 2:18

Kuko duciye kuri we, twese hamwe twaronse uburenganzira bwo gushikira Data turi muri Mpwemu umwe.

Abaheburayo 10:35

Ntimugatakaze ivyizigiro mufise mu Mwami, kuko bifise impera ikomeye.

Abaheburayo 3:6

Ariko Kristo ni umwizigirwa nk’Umwana yahawe kuganza inzu y’Imana. Kandi iyo nzu ni twebwe, niyo twagumya ugushira amanga n’ivyizigiro dufise muri Kristo.

1 Petero 3:18

Kuko na Kristo yababarijwe ivyaha vyacu rimwe gusa, uwutagira icaha apfira abanyavyaha, kugira ngo abahuze n’Imana. Mu mubiri yarishwe, ariko Mpwemu Yera amusubiza ubugingo.

1 Yohana 2:28

Bana nkunda, nimugume muri Kristo kugira ngo aho azohishurirwa tuze dushire amanga, ntitwicwe n’isoni imbere yiwe niyagaruka.

1 Yohana 3:21

Bakundwa, iyo imitima yacu itaducira urubanza, turashobora kwegera Imana tudatinya.