2 Timoteyo 1:4 - Bibiliya mu Kirundi coroshe

⁴ Nama nibuka amarira yawe igihe twatandukana, bikantera kwipfuza gusubira kukubona kugira ngo nuzure umunezero.

Bibliya Yera 1951 1967 (Burundi)

⁴ Nibuka amosozi yawe, ngakumbura kukubona, ngo nuzure umunezero:

2 Timoteyo 1:4 ပူးပေါင်းရင်းမြစ်များ

Yohana 16:22

Ni ko bimeze no kuri mwebwe: Iki ni igihe canyu c’umubabaro, ariko nitwasubira kubonana imitima yanyu izonezerwa, kandi nta n’umwe azoshobora kubatwara umunezero wanyu.

Yohana 16:24

Gushika ubu nta kintu na kimwe murasaba mw’izina ryanje. Nimusabe muzohabwa, kugira ngo umunezero wanyu wuzure.

Ivyakozwe 20:19

Nakoreye Umwami Imana nciye bugufi kandi ndira cane, nihanganira amageragezwa menshi avuye ku mitego y’Abayuda.

Ivyakozwe 20:31

Nuko rero mube maso kandi mwibuke ko mu myaka itatu tumaranye ntigeze mpengeshanya, ijoro n’umurango, kuburira umuntu wese muri mwebwe n’amarira menshi.

Abaroma 1:11

Nipfuza kubagendera kugira ngo dusangire ingabire za Mpwemu, ndabakomeze mu Mwami.

Filipi 1:8

Imana ni yo yomenya ingene ndabakunda n’ingene nipfuza kubabona n’umutima w’inkumbu ziva kuri Kristo Yesu.

Filipi 2:26

Ndamurungitse kuko abakumbuye cane kandi ahagaritswe umutima n’uko mwumvise ko yarwaye.

1 Tesalonike 2:17

Ariko bene Data, tumaze gutandukana vy’akanya gato (ku bw’imibiri atari ku bw’imitima), twakoze uko dushoboye kwose kugira ngo tugaruke kubagendera kuko twari tubakumbuye cane.

2 Timoteyo 4:21

Wigore uzoshike hano imbere y’igihe c’imbeho nyinshi cane. Yeburusi, Pudensi, Linusi, Korodiya n’abandi bene Data bose barabaramutsa.

2 Timoteyo 4:9

Gerageza uzoze kundaba vuba,

1 Yohana 1:4

Ibi tuvyanditse kugira ngo umunezero wacu ube uwuzuye.

Ivyahishuwe 21:4

Izobahanagura amosozi yose ku maso yabo. Nta rupfu canke kugandara, nta kurira canke kubabara bizoba bikiriho, kuko ivya kera bizoba bikuweho.”

Ivyahishuwe 7:17

Kuko Umwagazi w’intama ari ku ngoma ari we azobabera umwungere, azobaha ku mazi y’ubugingo. ‘Kandi Imana izobahanagura amosozi yose ku maso yabo.’”