2 Korinto 1:4 - Bibiliya mu Kirundi coroshe

⁴ we aduha ukwirurwa mu bihe vy’imibabaro kugira ngo natwe twiruze abandi ukwirurwa twahawe n’Imana.

Bibliya Yera 1951 1967 (Burundi)

⁴ itwirura mu marushwa yacu yose, kugira ngo natwe tubone uko twirura imibabaro abari mu marushwa yose, tuyibiruza uko natwe twiruwe n’Imana.

2 Korinto 1:4 ပူးပေါင်းရင်းမြစ်များ

Yohana 14:16

Nanje nzosaba Data abahe uwundi Mwitsa azobana namwe ibihe vyose,

Yohana 14:18

Sinzobasiga nk’impfuvyi; nzoza aho muri.

Yohana 14:26

Ariko Umwitsa, ari we Mpwemu Yera, uwo Data azorungika mw’izina ryanje, azobigisha vyose yongere abibutse ivyo nababwiye vyose.

2 Korinto 7:13

Ivyo rero vyaraduteye intege. Kandi icongeye ku kuntu mwaduteye intege, twaranezerewe cane no kubona ingene Tito yari anezerejwe n’ukuntu mwaruhuye umutima wiwe.

2 Korinto 7:4

Ndabizeye cane kandi ndabanezererewe cane. Mwaranteye intege cane, kandi mu mibabaro yose naciyemwo, umunezero wanje urasesekaye.

Filipi 1:14

Kandi, bivuye ku kubohwa kwanje, bene Data ba hano barashize amanga mu Mwami, bituma bashobora kuvuga Ijambo ry’Imana bashize ubwoba.

1 Tesalonike 4:18

Nuko muremeshanye n’ayo majambo.

1 Tesalonike 5:11

None rero muremeshanye mwongere mukuzanye, nk’uko musanzwe muriko murabikora.

Abaheburayo 12:12

Nuko rero, ni mugorore amaboko yanyu arushe, mukomeze n’amavi acitse intege.