1 Petero 3:13 - Bibiliya mu Kirundi coroshe

¹³ None ni nde azobagirira nabi mu gihe mufise ishaka ryo gukora ivyiza?

Bibliya Yera 1951 1967 (Burundi)

¹³ Kandi ni nde yobagirira nabi, ni mwagira ishaka ry’ivyiza?

1 Petero 3:13 ပူးပေါင်းရင်းမြစ်များ

Abaroma 13:3

Kuko abatware ntibateye ubwoba ku bakora ibibereye, ahubwo bateye ubwoba ku bakora ibibi. Woba ugomba kutagira ubwoba imbere y’abategetsi? Kora ibibereye bazogushimira.

Abaroma 8:28

Kandi turazi ko muri vyose Imana ikora ishakira ineza abayikunda, abo yahamagaye nk’uko biri mu mugambi wayo.

1 Korinto 14:1

Murondere kugira urukundo kandi mwipfuze cane kuronka ingabire za Mpwemu, na canecane ingabire y’ukuvugishwa n’Imana.

Abanyefeso 5:1

Nuko rero mwigane Imana, kuko muri abana bayo ikunda cane,

1 Tesalonike 5:15

Mwirinde ntihagire uwusubiza inabi mugenziwe, ariko mugiriranire ubugwaneza muri mwebwe no ku bandi.

1 Timoteyo 5:10

kandi akaba ashingirwa intahe ku bw’ibikorwa vyiwe vyiza nko kurera neza abana, kwakira abandi i muhira, kwoza ibirenge vy’abera, gufasha abari mu ngorane, ndetse akaba yariyeguriye gukora ibikorwa vyiza vy’ubwoko bwose.

Tito 2:14

Ni we yatwitangiye, araducungura kugira ngo tuve mu bubi bwacu bwose, atugira ubwoko bwejejwe yiharije, bufise ishaka ryo gukora ivyiza.

3 Yohana 1:11

Mugenzi nkunda, ntukigane ibibi, ariko wigane ivyiza. Umuntu wese akora ivyiza ava ku Mana. Umuntu wese akora ibibi ntarabona Imana.