1 Korinto 7:7 - Bibiliya mu Kirundi coroshe

⁷ Ico nipfuza ni uko abantu bose boba nkanje. Ariko umuntu wese afise ingabire yisangije yahawe n’Imana; umwe agira ingabire kanaka, uwundi akagira iyindi.

Bibliya Yera 1951 1967 (Burundi)

⁷ Nagomba kw abantu bose bomera nkanje: arik’ umuntu wese afise ingabire yiwe ahawe n’Imana, umwe ukwiwe, uwundi ukwiwe.

1 Korinto 7:7 ပူးပေါင်းရင်းမြစ်များ

Ivyakozwe 26:29

Pawulo asubizayo ati: “Umwanya waba muto canke munini, nta co bitwaye. Ico nsaba Imana n’uko atoba wewe gusa, ariko n’abariko baranyumviriza bose uwu musi bomera nkanje, uretse iyi minyororo.”

Abaroma 12:6

Dufise ingabire zitandukanye, bivanye n’ubuntu Imana yatugiriye. Nimba ufise ingabire yo kuvugishwa n’Imana, ubikore ukurikije ukwizera wahawe.

1 Korinto 12:11

Izo ngabire zose zitangwa na Mpwemu umwe, bivanye n’uko agomba kuzitanga.

1 Korinto 12:4

Hari ingabire zitandukanye ariko Mpwemu azitanga ni umwe.

1 Korinto 7:8

Abatubatse n’abapfakaye bakwiye kuguma uko bari, nk’uko nanje ndi.

1 Korinto 9:15

Ariko sinigeze ngwanira na kimwe muri ibi nari nemerewe, kandi sindabandikiye iri kete kugira ngo mutangure kumpa ibimbeshaho. Nopfuma mpfa hako ntakaza ibi vyirato vyo kuvuga ubutumwa ata we ndemereye.

1 Korinto 9:5

Mbega sinemerewe kubana n’umugore yizera nk’uko izindi ntumwa, abavukanyi b’Umwami Yesu Kristo na Kefa babigira?