1 Korinto 7:26 - Bibiliya mu Kirundi coroshe

²⁶ Kubera ibihe bigoye turimwo, niyumvira ko umuntu yoguma uko asanzwe ari ubu.

Bibliya Yera 1951 1967 (Burundi)

²⁶ Nuko ndiyumvira yukw ari vyiza kubg’ igihe kigoye ca none, yukw ari vyiza k’umuntu aguma ukw ari.

1 Korinto 7:26 ပူးပေါင်းရင်းမြစ်များ

Matayo 24:19

Ese ukuntu iyo misi izoba ari iy’umubabaro utagira ingene wovugwa ku bagore bibungenze n’abazoba bonsa!

Luka 21:23

Ese ukuntu iyo minsi izoba ari iy’umubabaro utagira ingene wovugwa ku bagore bibungenze n’abazoba bonsa! Kizoba ari igihe c’umubabaro mwinshi mu gihugu, n’uburake bw’Imana kuri ubu bwoko.

1 Korinto 7:1

Ku bijanye n’ivyo mwambajije mw’ikete mwanyandikiye, ni vyiza ko umuntu atorongora.

1 Korinto 7:27

Nimba wararongoye, nturondere kwahukana. Nimba utarongoye, nturondere kurongora.

1 Korinto 7:28

Urongoye nta caha uba ukoze, kandi inkumi irongowe, nta caha iba ikoze. Ariko abarongora bazobona amakuba menshi muri buno buzima, nanje nshaka kuyabarinda.

1 Korinto 7:8

Abatubatse n’abapfakaye bakwiye kuguma uko bari, nk’uko nanje ndi.

2 Tesalonike 2:2

turabinginze ngo ntimunyiganyige canke ngo muhagarike imitima kubera inyigisho womenga zivuye kuri twebwe (vyaba biciye mu buryo bwo kuvugishwa, canke amajambo canke ikete) zibabwira ko umusi w’Umwami wacu umaze gushika.

1 Petero 4:17

Kuko igihe cashitse c’uko urubanza ruhera mu nzu y’Imana. Nimba urubanza ruhereye kuri twebwe, mbega ntazoba ari akaga gakomeye ku bantu banse kwumvira Ubutumwa Bwiza bw’Imana!