1 Korinto 7:20 - Bibiliya mu Kirundi coroshe

²⁰ Umuntu wese akwiye kuguma uko yari ameze igihe Imana yamuhamagara.

Bibliya Yera 1951 1967 (Burundi)

²⁰ Umuntu wese, uko yar’ ari mw ihamagarwa ryiwe, abigumemwo.

1 Korinto 7:20 ပူးပေါင်းရင်းမြစ်များ

1 Korinto 7:17

Ariko rero umuntu wese akwiye kubandanya abaho ubuzima Umwami yamuhitiyemwo, no kuguma uko yari ari imbere y’uko Imana imuhamagara. Iri ni ryo tegeko ntanga mu mashengero yose.

1 Korinto 7:27

Nimba wararongoye, nturondere kwahukana. Nimba utarongoye, nturondere kurongora.

1 Tesalonike 4:11

Mugire ishaka ryo kubaho ubuzima butekanye; umwe wese yiteho gukora ibimwerekeye kandi ajejwe, no gukoresha amaboko yiwe nk’uko twabibabwiye.

2 Tesalonike 3:12

Abo bantu turabategetse tubinginga mw’izina ry’Umwami wacu Yesu Kristo ngo bame bakora kugira ngo babone kwibeshaho.