1 Korinto 4:8 - Bibiliya mu Kirundi coroshe

⁸ Mwibaza ko mukwije vyose! Mwibaza ko mumaze gutunga! Muramaze no kuba abami tutari kumwe! Icompa mukaba abami vy’ukuri kugira ngo tuganzanye namwe.

Bibliya Yera 1951 1967 (Burundi)

⁸ Mumaze guhāga; mumaze gutunga; mwimye nk’abami, tutarimwo: ereg’ icompa mukaba mwārīmye, kugira ngo natwe twimane namwe.

1 Korinto 4:8 ပူးပေါင်းရင်းမြစ်များ

Matayo 5:1

Yesu abonye abantu baje ari benshi, aca aduga umusozi. Amaze kwicara, abigishwa biwe baramwegera,

Luka 6:25

Muragowe mwebwe muhaze muri kino gihe, kuko muzosonza. Muragowe mwebwe mutwenga muri kino gihe, kuko muzobabara muboroge.

Ivyakozwe 26:29

Pawulo asubizayo ati: “Umwanya waba muto canke munini, nta co bitwaye. Ico nsaba Imana n’uko atoba wewe gusa, ariko n’abariko baranyumviriza bose uwu musi bomera nkanje, uretse iyi minyororo.”

Abaroma 12:3

Nisunze ubuntu nahawe n’Imana, ndahanuye umuntu wese muri mwebwe ngo ntiyifate uko atari mu kwiyumvira ko ari uwuhambaye, ariko yicishe bugufi mu kwifata uko ari, yisunze urugero rwo kwizera Imana yamuhaye.

1 Korinto 1:5

Muri we mwahawe ubutunzi mu buryo bwose, haba mu mvugo no mu bumenyi mufise.

1 Korinto 4:18

Bamwe muri mwebwe batewe n’ubwibone bibaza ko ntazoza kubagendera.

1 Korinto 5:6

Ntivyari bikwiye ko mwishira hejuru. Mbega ntimuzi ko icaha kimeze nk’umwambiro mukeya bashira mu gikandu maze kigatutumba cose?

2 Korinto 11:1

Nizera ko muzokwihanganira ubupfu bwanje. Ndabinginze munyihanganire.

2 Korinto 13:9

Turanezerwa iyo tuboneka nk’abanyantegenke ariko mukaboneka ko muri abanyenkomezi. Kandi turabasengera ngo mutunganywe rwose.

Galatiya 6:3

Iyo wibaza ko uhambaye kandi ata co uri, uba wihenze wewe nyene.

Filipi 1:27

Muri vyose, mugire ingeso zijanye n’Ubutumwa Bwiza bwa Kristo kugira ngo, nshoboye kuza tukongera tukabonana canke bidashobotse, nzokwumve ko mushikamye kandi muri umwe mu Mpwemu, mufise umutima umwe, mugwanira ukwizera kuva ku Butumwa Bwiza.

Filipi 2:12

Bakunzi banje, nk’uko mwamye mugamburuka igihe cose nari kumwe namwe, n’ubu ntari kumwe namwe, mukwiye kurushirizaho. Mukorane umwete ibikorwa bigaragaza agakiza kanyu, mwubaha Imana, muhinda agashitsi imbere yayo,

Ivyahishuwe 3:17

Uvuga ngo uratunze, ufise vyinshi kandi ngo nta co ukenye. Ariko ntuzi ingene uri umugorwa ateye ikigongwe. Uri umukene, urahumye kandi ugenda gusa.

Ivyahishuwe 5:10

Wabagize abami n’abaherezi bo gukorera Imana yacu, kandi bazoganza kw’isi.”