1 Korinto 16:22 - Bibiliya mu Kirundi coroshe

²² Nimba hariho uwudakunda Umwami, uwo aravumwe. Kaze Mwami!

Bibliya Yera 1951 1967 (Burundi)

²² Ni hagira umuntu adakunda Umwami wacu, arakavumwa. Maran ata.

1 Korinto 16:22 ပူးပေါင်းရင်းမြစ်များ

Matayo 10:37

Umuntu wese akunda se canke nyina akabandutisha ntankwiriye; uwukunda umuhungu wiwe canke umukobwa wiwe akamundutisha uwo na we nyene ntankwiriye.

Yohana 14:15

Nimwaba munkunda, nimushire mu ngiro amabwirizwa yanje.

Yohana 14:21

Umuntu wese yakira amabwirizwa yanje akayashira mu ngiro, ni we ankunda. Kandi uwunkunda Data azomukunda. Nanje nzomukunda ndanamwiyereke.”

Yohana 14:23

Yesu aramwishura ati: “Uwunkunda azoshira mu ngiro inyigisho zanje. Data azomukunda, kandi twe na Data tuzoza tubane na we.

Yohana 15:24

Iyo ntakorera hagati muri bo ibitangaza ata muntu n’umwe yigeze akora, ntibokwagirijwe icaha. Ariko barabonye ivyo nakoze vyose, yamara baranyanse, banka na Data.

Yohana 16:14

Azompesha icubahiro kuko azokwakira ivyanje akabibamenyesha.

Yohana 8:42

Yesu arababwira ati: “Iyo Imana ija kuba ari yo So, mwari kunkunda, kuko naje hano ntumwe na yo. Sinaje nirungitse, ni Imana yantumye.

Ivyakozwe 23:14

Nuko baja ku bakuru b’abaherezi n’abatware, bababwira bati: “Twarahiye ko ata co turya tutarica Pawulo.

Abaroma 9:3

ku bwa benewacu b’Abayuda. Nopfuma mba ikivume ngatandukana na Kristo, nimba ivyo vyotuma abo mu bwoko bwanje bakizwa.

1 Korinto 12:3

Ni co gituma ndababwira ko ata wuvugishwa na Mpwemu w’Imana yovuga ati: “Yesu ni ikivume,” kandi nta wovuga ati: “Yesu ni Umwami,” kiretse abivugishijwe na Mpwemu Yera.

Galatiya 5:6

Kuko muri Kristo Yesu, ugukebwa canke ukudakebwa nta kimazi bifise. Igihambaye ni ukwizera gukorera mu rukundo.

Abanyefeso 6:24

Ubuntu bube ku bakunda Umwami wacu Yesu Kristo hamwe n’urukundo rudahera.

Filipi 4:5

Ubugwaneza bwanyu bumenywe n’abantu bose, kuko Umwami wacu ari hafi.

Abaheburayo 6:10

Kuko Imana ntirenganya ngo yibagire ibikorwa mwakoze canke urukundo mwerekanye ku bw’izina ryayo mu gukorera abizera, kandi mukaba mukibandanya mubikora.

1 Petero 1:8

Uwo Yesu muramukunda naho mutigeze mumubona, kandi muramwizera naho mutamubona. Ni co gituma mwuzuye umunezero amajambo adashobora gusobanura,

1 Petero 2:7

Kuri mwebwe abizera, iryo buye rifise igiciro kinini; ni ryo ryahindutse irigumya imfuruka. Ariko ku batizera bo, handitswe ngo: “Ibuye abubatsi bagaye ni ryo ryahindutse irigumya imfuruka.”

1 Yohana 4:19

Twebwe dukunda kuko Imana yabanje kudukunda.

1 Yohana 5:1

Umuntu wese yizera ko Yesu ari Kristo, uwo yavyawe n’Imana, kandi umuntu wese akunda uwo umuvyeyi, akunda n’abana biwe na bo.

Ivyahishuwe 22:20

Uwushingira intahe ibi aravuga ati: “Egome, ndaza vuba.” Amen. Kaze Mwami Yesu.