1 Korinto 1:29 - Bibiliya mu Kirundi coroshe

²⁹ Ivyo yabikoze kugira ngo ntihagire n’umwe agira ico yirata imbere y’Imana.

Bibliya Yera 1951 1967 (Burundi)

²⁹ kugira ngo ntihagire umuntu yirata imbere y’Imana.

1 Korinto 1:29 ပူးပေါင်းရင်းမြစ်များ

Abaroma 15:17

Ndafise rero imvo zituma nezerererwa igikorwa nkorera Imana muri Kristo Yesu.

Abaroma 3:19

Noneho turazi ko ivyo ivyagezwe vyigisha biraba abaganzwa na vyo, kugira ngo ntihagire uwuronka ico yireguza kandi isi yose iboneke ko ikwiye gutsindwa n’urubanza rw’Imana.

Abaroma 3:27

None twokwirata iki? Nta na kimwe! Kuko kwemerwa n’Imana kwacu ntikuva ku kwubahiriza ivyagezwe, ariko kuva ku kwizera.

Abaroma 4:2

Iyo Aburahamu yemerwa n’Imana nk’umugororotsi kubera ibikorwa vyiza yakoze, yari kuba afise ico yirata. Ariko imbere y’Imana si ko vyagenze.

1 Korinto 1:31

Ni co gituma handitswe ngo: “Uwirata wese yirate ko yamenye Umwami Yesu.”

1 Korinto 4:7

Mbega ni nde yababwiye ko muruta abandi? Hari ico mufise mutahawe? None nimba mwaragihawe, ni kuki mwishira hejuru nk’aho mutagihawe?

1 Korinto 5:6

Ntivyari bikwiye ko mwishira hejuru. Mbega ntimuzi ko icaha kimeze nk’umwambiro mukeya bashira mu gikandu maze kigatutumba cose?

Abanyefeso 2:9

Ntivyavuye no ku bikorwa vyiza mwakoze, kugira ngo hoye kugira umuntu n’umwe yohava yirata.