Yankpaŋii 7:13 - Yennu Gbouŋ Mɔɔr

¹³ Ki a saa gbat manfoor tiik na nubiru, nan tilɔɔna nba kur nubiru man ki li kpia ti tammɔb na. N yɔɔk, n bir bonmankpera nan bonmanpaana, ki guuna.

Yankpaŋii 7:13 ပူးပေါင်းရင်းမြစ်များ

Pinpiik 30:14

Ki jeet jaanu yoo nba baar, ki Rubenn saan muuk ni, ki saa la lɔɔnsiar nna, ki li teen poob matuk, ki u jii kpen nann ki tan tur u naa Lea. Ŋanne ki Rachel pak Lea a, “Dimin sukuru ki turin a bija lɔɔna maŋ waan.”

Yankpaŋii 2:3

Tilontii nba ŋan ki gar tilei biaŋinba na, nnae ki n yɔɔk fan ki gar jaleeb. N loon ki mii kaar u maasu, ki u lɔɔna na-ii man n mɔb ni.

Yankpaŋii 4:13

Leŋe ki bonbuburit bintir, ki kpaatir nan tilontii nba loon lɔɔnŋana, nan bonnunubit nba kur be.

Yankpaŋii 4:16

Niigaŋ po wouŋ, fiit. Niidiitu po wouŋ, damin n kpaab paak, ki te wamaasin n da nan nubiru nba man. Ŋaant ki n yɔɔk n saan u kpaab ni ki saa di tilɔɔna nba man.

Yankpaŋii 6:11

N nyii tilontii boore ki sik maa n got tibis nba be baauk ni na, ki bia got fapaant nba be daan tilontii paak na, ki bia got tipuut nba be tilontlia paak na.

Yankpaŋii 8:1

N sunman ki a bo tee n naa bik nba mɔɔr n naa biime, ki mi-i cheta sɔnjouk ni, ki n saa fit mɔɔt a tankpinn, ki sɔɔ baka sii kaa li po.

Aisaya 23:18

U likirii nba ki u la kpinkpouŋ na ni, u saa jiir ki tur Yennu. U kan bɔrir siar po kaa, ŋaan binba jiantir Yennu nae sii dia likirii maŋ, ki daa jeet nan tiat nba ki bi loon.

Matiu 13:52

Ki u betib a “Li paak, Yennu sennu wanntɔɔ nba kur tumii n wannu, ki jiin Yennu naan po ki bann li paak fanu, u tee nan ŋaadaanɔ nba nyint bonkpera nan bonpaana u mɔkint ni nae.”

Matiu 25:40

Ki min Bat mun tan saa jiin a ‘Barmɔniie ki n beeri na, yaa din tun linba ki tur wunba tee tatimɔɔ n naa waas sinsuuk ni na, i din tuun ki teen mine.’

Jɔɔnn 15:8

Li-i tee ki i loon lɔɔna bonchiann, ŋanne saa wann nan i set tee n poorpoweiteeb nan barmɔnii, ki n Baa Yennu saa la dontir.

1 Korint teeb 16:2

Lasir daar kur, sɔɔ kur n tuu nyinn likirii, waa tun ki la biaŋinba, ki bir, ki mi-i taŋi baar, ki i ji daa lakii likirii.

1 Korint teeb 2:9

Li sɔb Yennu gbouŋ ni a: “Linba ki nirɔ ki la, ki bia ki gbati, linba ki nirɔ ki dukin a li saa fit teen na, ŋanne ki Yennu teenir siir ki guun binba loonɔ na.”

Efesus teeb 5:9

kimaan linba tee barmɔnii nan yentinu nan toonŋana kura tee yentu yare.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yiisa Masia paŋ ni, ki Yennu sann n la dontir nan paku.

Kolosa teeb 3:17

Li paak, yaa tuun linba, koo yaa yeen linba, ii tuun ti Yomdaanɔ Yiisa sann ni, kii teen ti Baa Yennu niipoouk u paak.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.