Yankpaŋii 5:11 - Yennu Gbouŋ Mɔɔr

¹¹ U numpo tee nan kutmɔnt nae, ki ŋarii, ki u yut ŋan ki bɔn nan naakpaabɔŋ na.

Yankpaŋii 5:11 ပူးပေါင်းရင်းမြစ်များ

Yankpaŋii 5:12

Ki u ninbina fan nan ŋmana nba tuu be kpenu ni biaŋinba na, ki tee nan ŋmana nba ki bi wurib naabiin, ki bi see kpia kpenu na.

Yankpaŋii 5:2

N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Yankpaŋii 7:5

A yur goone nan Kamel kunkonn na. A yupiankar nyiriie nan chinchennyinyir na, ki li fant saa fit kɔɔn kpanbar niɔŋ.

Daniel 7:9

Maa gorii yoo nbae ki bi senn naan kokii li sinsetboa. Ki daanɔ nba be mɔkmɔk nan mɔkmɔk na kar naan kok yeŋ paak. Ki u liant peen nan sakaana na, ki u yut peen nan gbent na. Ki u naan kok tee nan mupeenu na, ki li taa kur bia tee nan mupeenu na,

Liifai teeb 13:40

“Li-i tee ki jɔɔ yut kokir yur sinsuuk ni, koo yugbiar paaki, linba na ki teenɔ jakint.

Fiitu 1:14

ki u yut peen nan gungunt na, ki u ninbina naan mupeenu,