Yankpaŋii 4:15 - Yennu Gbouŋ Mɔɔr

¹⁵ Ki nyuntona maant kpaab na, ki bunii nyun nyi Lebanonn kunkona ni ki puub nan paŋ ki kɔɔ kpaab na ni.

Yankpaŋii 4:15 ပူးပေါင်းရင်းမြစ်များ

Yaŋ 46:4

Mɔkisiar be ki teen yabint daanɔ Yennu doo nba tee u kasii binbeboor na parpeenn.

Barjokit 5:16

Fi-i dɔɔ nan poogamm ki maar waas, waas maŋ kan somma siari.

Barjokit 5:18

Li paak, ii mɔk parpeenn nan parmaasir nan a ŋaapoo nba ki a kɔɔnɔ na.

Banntɔɔ 2:6

ki gbiir mɔka maa mii maantib.

Yankpaŋii 4:12

N pooloŋir, n pooyookir, a tee nan kpaab nba bɔr nae, ki tee nan kpaab nba ki bi maa joonn ki lintir, ki tee nan nyuntonn nba tee niyenɔkɔɔ yar na.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Jeremaya 17:13

Yennu, fine tee Israel teeb dindann, binba yêta na kur saa di feiwa. Bi saa bot nan baa tuu sɔb sana tanbiinii ni nae, kimaan bi yêt fin Yennu nba tee bunbunn nba teen nyunŋanin nawa.

Jeremaya 2:13

kimaan n niib tun biit booru munlee-e; bi ŋmant bi poor ki tur min nba teen nyunŋanin na, ŋaan gbiir gbiit nba tee bonyiant, ki nyun kan fit be leŋ.

Sekaria 14:8

Li daar-i baar, manfoor nyun tan sii puub ki nyi Jerusalem, ki li bɔkyenn saa Mɔk-kpeenn na ni, ki bɔkleer na mun saa Sinsuuk ni mɔkgbeŋir na ni. Li sii puube piar nan siɔk kur.

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Jɔɔnn 7:38

kimaan Yennu gbouŋ yet a ‘Wunba teenin yada, manfoor nyun sii tɔ nyunkpanae ki nyi u par ni.’ ”

Fiitu 22:1

Li yoo ki malaka na wannin mɔkir nba mɔk manfoor nyun na, ki li nyi Yennu nan Pegann na naangbouŋ na ni, ki yeen nan mianu na,