Yankpaŋii 3:6 - Yennu Gbouŋ Mɔɔr

⁶ Wunba nyii kunkoouk po ki tee nan munyutootir, ki puk tulaarii nan bonnunubit nba tee mir, ki tee tulaarii nba kur ki kpinkpenta kɔi na tee ŋmee?

Yankpaŋii 3:6 ပူးပေါင်းရင်းမြစ်များ

Nyinu 30:34

Ki Yennu ŋamm yet Moses a, “Jiin bonnunubit nba na janŋanbii, ŋanne tee suun nba ki li nubiru man, nan kunkoonwakii nba nubiru man, nan tutubira suun nba nubiru man, nan suun nba nubiru man ki bi yi frankinsens na,

Barjokit 7:17

ki mii tulaarii nba ki bi yir mir, nan sinamɔnn, nan alos na li paak.

Yankpaŋii 1:13

N yɔɔk na dɔɔ n biaa paake, ki nubir nan bonnunubit nba ki bi yi mir na.

Yankpaŋii 1:3

A nubiru man ki tee nan bonnunubit nae; ki a sann tee nan bi kpaar bonnunubit ki mɔɔn na. Li ki tee birisuk kaa nan sapaamm na loona.

Yankpaŋii 3:7

Solomonn-e baat, ki kar u naan kok paak, ki bi jiiu, ki Israel teeb kunkɔnkɔnjaana piinloob be u boor.

Yankpaŋii 4:6

N sii be bonnunubit nba ki bi yir mir na kunkonn paake, ki li-i taŋi yentir ki bunbɔnn na n bot.

Yankpaŋii 5:13

U kpianii na mɔk fant ki tee nan kpaab nba gbee nan kpinfaat nan baarii na. Ki u mɔgbana tee nan tipuuk nba ki bi gbar mir tulaar-nyun na.

Yankpaŋii 5:5

Ki n bo teen siir nan man te ki wun kɔɔ. Ki bonnunubit nba tee mir na pɔr n nii, ki n niibira maan mir nyun, yoo nba ki n soor ganlootir na.

Yankpaŋii 8:5

Ŋma poe nyii kunkoouk po, ki lɔn u yɔɔk nii ki baat na? N fiina, tilontik na nyakire, siaminba ki bi din mara na.

Aisaya 43:19

Ii gorii bonpaann nba ki n yaa man tun na. Li poŋ tuume, ki i saa fit lar mɔtana. N saa faa sɔnu ki gaan kunkoouk paak, ki turi kpenii nba mɔk nyun leŋ.

Jeremaya 2:2

a man mɔɔnt maan na ki tur sɔɔ kur nba be Jerusalem a, “N tian yaa din waan fanu biaŋinba, yoo nba ki i din tee nipaauŋ na, yoo nba ki i din sint jii i mɔŋ ki turin na. I din wei n poor ki gar kunkoouk paak, tiŋ nba ki bi ki ban bur siar na ni.

Jeremaya 31:2

N wann n ninbatinu ki tur niib nba nyii kuun ni kunkoouk paak na. Yoo nba ki Israel teeb ŋakitir ki loon foon na,

Hosea 9:10

Yennu ŋamm yet a, “Maa sint la yimm Israel teeb yoo nba, li din tee nan faa saa la tilɔɔnmana kunkoouk paak biaŋinba nae. Ki maa sint la i yeejamm, li din tee nan faa saa la kinkaŋ lɔɔnn nba mɔnn sinsinn nae. Ŋaan yaa din tan baar Peor kunkonn boor yoo nba, ki i piin jiantir tingbann Baal, ki li taabaak ni, ki i biir gar tingbann nba ki i jiantir na.

Matiu 2:11

Ki bi kɔɔ ŋaak maŋ ni, ki la bik na nan u naa Meeri; ŋanne ki bi gbaan ki jiant bik maŋ, ŋaan biit bi paka ki nyinn piinii ki turɔ; piinii maŋ din tee salima nan tulaarii nba ki bi yir frankinsens nan tulaar-leer nba ki bi yir mir.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.

Filipi teeb 4:18

N gaar i piinii na munna ki li jaŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir man nae ki teen Yennu, ki penn u par, ki u gaarir.

Fiitu 12:14

Ki Yennu jii kanbagbeŋir kpinkpant ŋanlee ki tur poo na, a wun yukir ŋaan nyik waakperbiiuk na, ki saan muuk ni kii sakii be siaminba ki bi sii dintɔ bina ŋantaa nan bonjinn.

Fiitu 12:6

Ki poo na mun chiar ki saan muuk ni, siaminba ki Yennu teen siir ki guunɔ, ki sii dintɔ ki saa dian daa tusir nan kobiinlee nan piinloob na.

Fiitu 18:13

nan kakaduro, nan gasinbunn, nan tulaarii, nan tulaarbooru nba tee mir nan frankinsens na, nan daan, nan kpan, nan yon, nan dii, nan nei, nan pei, nan taanii nan li torit, nan daaba, nan nisaarii manfoa gbaa.

Fiitu 5:8

Waa gaar gbanpɔɔbir na yoo nba, ki bonfoa banna, nan saakab piinlee nan banna na baa fabin u tɔɔnn, ki saakab na kur dia bai nan salima senii, ki bonnunubit nba see Yennu niib miaru taar ni na gbee senii na.