Yankpaŋii 1:15 - Yennu Gbouŋ Mɔɔr

¹⁵ N yɔɔk, a mantik fan bonchiann, a ninbina na mantik nyirii ki mɔk lomm.

Yankpaŋii 1:15 ပူးပေါင်းရင်းမြစ်များ

Yankpaŋii 1:16

N yɔɔk, a mantik ŋan bonchiann; a mantik maant n par. Mɔmaata nae sii tee ti dɔɔnu,

Yankpaŋii 1:8

Fin sapaan-ŋanchintiliŋ na, a ki mi maa kpaar pei siaminba-a? Ii saa kii waa pei na taaboot; a lon siaminba ki a saa kpaar a buunii, ki lii kpia pekpaarii lanbont na.

Yankpaŋii 1:9

N yɔɔk, a te jab niana nan tannaaŋ nba tuu te Faaro taanjalona nba daar taantorit na nianɔ biaŋinba nae.

Yankpaŋii 2:10

Ki n yɔɔk maŋ ji piak nanin. N yɔɔk, ii saana. N yɔɔk, baat ki tin tɔk saan.

Yankpaŋii 2:13

Kinkana piin mɔnnuwa; ki wouŋ yent nan tipuuk nubiru. N yɔɔk, ii saana. N yɔɔk, baat ki tin tɔk saan.

Yankpaŋii 4:1

N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Yankpaŋii 4:10

N pooloŋir, n pooyookir, a lomm na manin, a lomm na ŋan gar daama, a tulaarii na nubiru man ki gar bonnunubit nba bewa.

Yankpaŋii 4:7

N yɔɔk, a fan bonchiann, ki a siar po ki gbeen.

Yankpaŋii 5:12

Ki u ninbina fan nan ŋmana nba tuu be kpenu ni biaŋinba na, ki tee nan ŋmana nba ki bi wurib naabiin, ki bi see kpia kpenu na.

Yankpaŋii 5:2

N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Yankpaŋii 6:10

Ŋmee na, ki tan nyirii nan sanyiɔk na? U mantik fan, ki yeen, ki tee nan yonnu, koo ŋmaarik nba tuu nyɔkit biaŋinba na.

Yankpaŋii 6:4

N yɔɔk, a mantik fan nan Jerusalem nba fan biaŋinba nae; ki bia fan nan Tirsa doo na, ki a fant na mantik teen yaarlituk.

Yankpaŋii 7:6

A mɔk fant, ki ŋan bonchiann, ki gbee nan lomm.

Yankpaŋii 7:7

Ki a gbanant ŋan ki tee nan kpinkparik na, ki a biaa na fan nan kpinkpamɔna na.

Malakai 2:14

I boi a bee ki Yennu ji ki gaan i piinii maŋi. Li paak tee, u mi nan i sɔɔ ji ki dia mɔlor nba ki u daan lor nan u ŋaapoo, yoo nba ki u kɔɔnɔ ki daa tee naasimɔ na. Poo maŋe tuu tee a sommitɔɔ, ŋaan ki a tan yêt ki ki dia mɔlor na, nan faa daan lor Yennu tɔɔnn nan a saa dia a ŋaapoo maŋ fanu, ki kan nyi u poor biaŋinba na.