Yaŋ 96:2 - Yennu Gbouŋ Mɔɔr

² Yinin ki tur Yennu ki dontɔ. Daar kur, ii mɔɔntir waa tinnit na barŋaniie.

Yaŋ 96:2 ပူးပေါင်းရင်းမြစ်များ

1 Barkperii 29:20

Tɔn, ki Defid yet niib na kur a, “Pakin i Yomdaanɔ Yennu.” Ŋanne niib na kur pak ki dont Yennu, wunba tee bi yeejamm Yomdaanɔ Yennu na, ki baa fabin tiŋ ni ki tur Yennu baakir, ki bia tur kpanbar na baakir.

Yaŋ 103:20

Yimm malakanba nba mɔk paŋ nan yabint na, ii dont Yennu man, yimm nba saak u sennii ki bia gbiin u maan na.

Yaŋ 145:1

Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.

Yaŋ 145:10

Yennu, a naamii kur saa dont a sann, ki a niib kur saa tura niipoouk.

Yaŋ 145:2

N sii teena niipoouk daar kur, n saa donta yaayoo siiyoo.

Yaŋ 40:10

N ki woon a tinnu maan na n par ni. N tun piak a barmɔnii binbeŋ nan a sommir poe. N ki ŋmin nan mɔmaan na paku, a niib kur tintaanu ni, ki piak a lomm nan barmɔnii nba tee biaŋinba.

Yaŋ 71:15

N saa pak a popeensin nba tee, ki bia pak a tinnu po daar kur, li lek yab gar n bannu nba teewa.

Aisaya 40:9

Jerusalem teeb, ii do jɔfoouk paak ki saa mɔɔnt barŋanii na. Sayɔnn teeb, yiint nan kunkɔsaakar, ki mɔɔnt barŋanii na. Pakin, ki daa tiin jaŋmaanii. Betir Juda doi na, a bi Yennu baat.

Barŋanii nba ki MAK din sɔb nae na 16:15

Ki u bia yetib a “Ii saa kii mɔɔntir barŋanii na ki tur sɔɔ kur, tingbouŋ na kur po.

Toona 13:26

Ŋanne ki Pɔɔl bia yet a, “N naa waas, yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na tee ti yare.

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Fiitu 5:13

Ki linba kur Yennu din nan, ki li be sanpaapo, nan tingbouŋ na ni, nan kpeentiŋ, nan linba be mɔkgbeŋa ni na, n gbat bi kur yeen a, “Paku nan baakir nan dontir nan paŋ kur-ii be wunba kar naangbouŋ na paak nan Pegann na paak mɔkmɔk nan mɔkmɔk.”