Yaŋ 95:6 - Yennu Gbouŋ Mɔɔr

⁶ Baat man ki tin gbaan ki jiantɔ; ŋaant ki ti gbaan Yennu nba turit manfoor na tɔɔnn,

Yaŋ 95:6 ပူးပေါင်းရင်းမြစ်များ

1 Kpanbara 8:54

Solomonn nba miar Yennu ki gbenn, ki u set maruŋ binbintir na tɔɔnn po, siaminba ki u bo gbaan ŋaan donn u nii sanpaapo na,

2 Barkperii 29:28

Ki binba kur be leŋ taan ki jiantir Yennu, ki bia yiin yanii, ki bonfifaat kur faa tee-e nan maruŋ na nba tan dii muu boont.

2 Barkperii 29:29

Ŋanne ki Hesekia nan niib na kur gbaan tiŋ ni ki jiant Yennu.

2 Barkperii 29:30

Kpanbar Hesekia nan u saakab din yet Liifai teeb a bii yiin kii dontir Yennu, donta yanii nba ki kpanbar Defid nan Yennu sɔkinii Asaf din sɔb na. Ki sɔɔ kur yiin nan kpinkpamjaann, ki gbaa tiŋ ni ŋaan jiantir Yennu.

2 Barkperii 6:13

Solomonn din ŋamm kutmɔnt binbintir nba ki bi see li paak ki piak maan na, ki bir ŋaak na dindonjouk sinsuuk ni, li fɔkint nan yarimu din tee taakaabii ŋanlee-lee nan waan, ŋaan dokii taakaabu nan waan. U din doo binbintir na paak, ki gbaan siaminba ki niib kur saa lau, ŋaan donn nii sanpaapo,

Esra 9:5

Yoo nba din tan jaŋ nan bin mann daajoouk maruŋ na, ki n fiir maa bo kar siaminba nan parbiir na, ki bia daa lia n liatchiat na, ki gbaan ki tant n nii, ki miar n Yomdaanɔ Yennu,

JOB labaar 35:10

Ŋaan bi ki baat Yennu boor, wunba tee bi naamii daanɔ, ki teemm dindann yoo nba ki bi be werebuk ni na.

Yaŋ 100:3

Ii bann nan Yennu-e tee barmɔnii Yennu. Ŋɔɔe nant, ki ti tee u niib. Ti tee u niibe, u tiɔŋ niib.

Yaŋ 119:73

Fine namin, ki bia dian fanu, turimin bannu ki man fit tumii a sennu.

Yaŋ 139:13

Fine nan n gbanant kur; fine taan n gbanant, n naa poor ni.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Yaŋ 72:9

Ki niib nba be kunkoouk paak na saa gbaan u tɔɔnn, ki u datai saa baa fabin tiŋ ni.

Yaŋ 95:1

Baat man ki tin yin dont Yennu. Ŋaant tin yin parmaasir yaŋ ki tur Yennu, ŋɔɔe guut.

Nyinu 20:5

Daa gbaa patsiar boor koo ki jiantirɔ, kimaan mine tee i Yomdaanɔ Yennu, ki ki saak mii mɔk lɔɔ. N daar binba namin na tuba, nan bi waas tuba, ki saa tuu bi yaaboontaa koo bi yaaboona ŋanna ni,

Banntɔɔ 12:1

Li paak, ii tian a Naamii Daanɔ po, faa daa tee bik na, ki daa guu fan kpeta li yoo na ki a ji yet a, “N ki gbia binbeŋ manu.”

Aisaya 17:7

Li daar-i baar, niib saa ŋmant bi Naamii Daanɔ paak ki loon sommir. Ŋɔɔe tee Israel teeb kasii Yennu na.

Aisaya 44:2

Mine tee Yennu nba nami, ki sommiti i maaru niwa. I daa tiin jaŋmaanii, i tee n toontunnae, ki tee niib nba ki n gann ki looni.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Daniel 6:10

Yoo nba ki Daniel gbat nan bi senn sennu na na, ki u fiir kun ŋaak ni. U din tan doo u ŋaak ditɔɔtii paak, ki gbaan, takoru nba loot ki tor Jerusalem po na boor, ki mei Yennu nan waa tuu mei biaŋinba na, taar muntaa daar nɔɔk ni.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Hosea 8:14

“Israel teeb maa ŋaŋaniie, ŋaan tamm bi naamii daanɔ po. Ki Juda teeb maa digbanjaana, ŋaan n saa tun muue, ki lin di bi ŋaŋanii nan digbanjaana maŋ ki boont.”

Matiu 4:2

U din be leŋ ki ki dii siar dapiinna, yonnu ni nan nyiɔk, ki kon tan soorɔ.

Matiu 4:9

ŋaan betɔ a, “Li-i tee ki a bo saa gbaan ki jiantin, n bo saa tura yent maŋ kura.”

Barŋanii nba ki MAK din sɔb nae na 14:35

Ŋanne ki u chat saan tɔɔnn waaminna, ki baa fabin, ki u yugbiar siit tiŋ, ki mei Yennu, a li-i bonni saa fiti, Yennu n ŋaan ki biak nba baat u paak na n yakirɔ, ki yet a

Barŋanii nba ki LUK din sɔb nae na 22:41

Ŋanne ki u chat bi boor ki saan nan faa tuu jaa tann ki lin fɔkit biaŋinba na, ki saa gbaan tiŋ ni ki miar Yennu,

Jɔɔnn 1:3

ki u nie ki Yennu nan bont kur, ki siar din kaa ki Yennu nan ki li ki nyii u ni,

Toona 20:36

Pɔɔl nba gbenn maan maŋ yoo nba, ki bi kur lakin gbaan ki miar Yennu.

Toona 21:5

Ki ti saanu yoo tan baar ki ŋamm nan bi poob nan bi waas chianit, ki saa nyinnit doo na. Ki ti kur gbaan mɔk-kpiŋ ki miar Yennu.

Toona 7:60

ŋaan gbaan ki yiin sanpaapowa a, “N Yomdaanɔ, daa jikit bi biit na ki biiribi.” U yet nnae ŋaan ji kpo.

1 Korint teeb 6:20

u daaie; li paak, ii jii i gbanant kii tuun linba sii dont u sann.

Efesus teeb 3:14

Linba na paak ki n gbaa n duna paak ti Baa Yennu tɔɔnn,

Filipi teeb 2:10

a lin te ki binba be sanpaapo nan tingbouŋ na ni nan kpeentiŋ, bi kur n tan gbaan bi duna paak ki tur ŋɔɔ Yiisa sann maŋ baakir,

1 Piita 4:19

Li paak, binba di biak Yennu loomm paak na, bii tuun toonŋana, ki jii bi mɔŋ ki pet bi nantɔɔ Yennu nba tee barmɔnii daanɔ na.

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.

Fiitu 22:8

Min Jɔɔnn-e gbat ki bia la linba na kura. Maa gbat ki bia la na, li yooe ki n baa fabin malaka nba wannin linba na na tɔɔnn, ki yaa n jiantɔ.