Yaŋ 95:1 - Yennu Gbouŋ Mɔɔr

¹ Baat man ki tin yin dont Yennu. Ŋaant tin yin parmaasir yaŋ ki tur Yennu, ŋɔɔe guut.

Yaŋ 95:1 ပူးပေါင်းရင်းမြစ်များ

2 Samuel 22:47

Yennu fo. Pakin n fat-tɔɔ Yennu, ki mɔɔnt ŋɔɔ nba paar ki tinnin na po.

1 Barkperii 16:9

Yinin yaŋ ki pak u sann, ki wann u bakitnauŋ toona nba ki u tun.

2 Barkperii 20:28

Baa baar doo na ni yoo nba, ki bi somm chunchuuntuk ki kɔɔ Yenjiantu ŋasaakak na ni, ki yiin yanii ki faa biat, ki bia peeb naatuna.

Yaŋ 100:1

Durinya niib kur n yin yaŋ ki tur Yennu.

Yaŋ 101:1

Yennu, n yaŋ jiin a lomm nan a barmɔnii binbeŋ poe, ki n yiin ki teena.

Yaŋ 107:15

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:21

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 107:8

Bin tur Yennu niipoouk, kimaan u lonchiɔŋ nan u yaarlituk toona nba ki u tun ki turib na paak.

Yaŋ 117:1

Digbana kur n pak dont Yennu. Nisaarii kur n pak dont Yennu.

Yaŋ 118:1

Turin Yennu niipoouk, kimaan u ŋan, ki u lomm kaa gbennu.

Yaŋ 150:6

Bonfoa kur, ii dont Yennu. Pakin Yennu man.

Yaŋ 18:47

U te ki n nyant n datai, u baŋit digbana nba ki n diab na,

Yaŋ 34:3

Taantin ki tin pak Yabint Yennu. Ŋaant ki tin lakin dont u sann.

Yaŋ 66:8

Digbana niib kur n pak Yennu man; Ii ŋaan ki niib n gbat i dontir fuur.

Yaŋ 81:1

Yinin yaŋ sanpaapowa nan kpinkpammuk ki tur ti guutɔɔ Yennu. Yinin dontir yaŋ ki tur ŋɔɔ Yennu nba ki Jakɔb din jiantir na.

Yaŋ 89:26

Ki u saa betin a, ‘Fine tee n baa nan n Yennu, ki bia tee n guutɔɔ nan tinntɔɔ.’

Nyinu 15:1

Li poor poe ki Moses nan Israel teeb na yin yaŋ na ki tur Yennu a: “N saa yin ki tur Yennu, kimaan u nyann baakir nyannuwa. U lu taanii nan taanjakira, mɔkgbeŋir niwa.

Nyinu 15:21

Ki Miriam yiin ki teemm a: “Yinin yaŋ ki tur Yennu, kimaan u nyann nyannjaann ki lu taanii nan taanjakira mɔkgbeŋir niwa.”

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Matiu 21:9

Ki nibur nba gar u tɔɔnn po nan binba din waa u poorpo ji yikin ki yeen a “Hosaana, ii piak man Defid yaaboonn maŋ. Piisin-ii be wunba baat Yennu sann ni na paak. Yimm nba be sanpaapo, ii hoot man a ‘Hosaana.’ ”

1 Korint teeb 10:4

ki bia lakin nyuu nyun nba ki Seyeeŋ maŋ turib na; kimaan bi lakin nyuu nyun nba nyii Yennu Seek, tanpiiuk nba chiamm na ni. Tanpiiuk maŋ din tee Masia-e.

Efesus teeb 5:19

Ii yiin yanii, nan Yennu gbouŋ ni yanii, nan Seyeeŋ yanii kii teen i leeb, kii piak ti Yomdaanɔ nan i para kur.

Sennu 32:15

“Yennu niib kpaatir nan mɔkint, ŋaan mɔk mɔyêtuk; ki gbeŋit ki nɔr nan jeet, ki nyik Yennu, bi naamii daanɔ, ki yêt bi yabint tinntɔɔ.

Kolosa teeb 3:16

Li kpaa talas ki Masia labaar na-ii be i para ni chib chib, ki yii want i leeb, kii bia kii kpaan i leeb nan yan; kii yiin Yennu gbouŋ ni yanii, nan Yenpaku yanii, nan Seyeeŋ yanii; kii yiin yanii maŋ nan niipoturu para kii teen Yennu.

Fiitu 14:3

Ki niib tuskobik, nan tuspiinna, nan tusaa ŋanna maŋ see naangbouŋ, nan bonfoa banna na, nan saakab na tɔɔnn po, ki yiin yanpaaŋ nba ki sɔɔ ki fit tumii, see niib nba ki Yennu gannib tingbouŋ na ŋaateeb ni ki tinnib na kuukɔɔ.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.

Fiitu 19:6

Ŋanne ki n bia gbat kunkɔsiar, ki li fu nan nibur nba tuu piak ki fu na, ki bia fu nan sutik ni nyun na, ki bia fu nan satiangbeŋa na ki yeen a “Haleluya, kimaan ti Yomdaanɔ Yennu nba mɔk paŋ kur na tee Kpanbar.

Fiitu 5:9

Ki bi yiin yanpaaŋ ki teen Pegann na ki yeen a: “A set jaŋ nan fan gaar gbanpɔɔbir na ki tabit li yiit ŋanlore nawa, kimaan a din kpoe ki jii a sɔn ki daa niib ki tur Yennu; niib maŋ nyii booru kur ni, nan mabooru kur ni, nan maaru kur ni, nan tingbouŋ na yent kur nie.