Yaŋ 94:16 - Yennu Gbouŋ Mɔɔr

¹⁶ Ŋmee set n poor ki took biit damm na? Ŋmee gaar n paak ki took toonbiit damm na?

Yaŋ 94:16 ပူးပေါင်းရင်းမြစ်များ

2 Kpanbara 10:15

Jehu din ŋamm soor sɔnu ki saa ki saa chet Jonadab, ki u tee Rekab bija. Jehu din foontɔ ŋaan yet a, “Min nan fin dudukit tee yommo. A saa set n poora-a?” Ki Jonadab jiin a, “N saa set a poora.” Ki Jehu ji yet a, “Tantir a nuu.” Ki u tant u nuu, ki Jehu datɔ ki donnɔ toruk na paak,

2 Kpanbara 9:32

Ki Jehu gokit got ŋaan tian a, “Ŋmee taa n po?” Ki kpanbar ŋaasaakab banlee koo bantaa dɔɔnt takorbonn ni ki got Jehu.

Nehemaya 5:7

ki n lor nan man got bi barii maŋ ni. Ki n yakii nan tɔɔndamm nan toontunna saakak na, ki betib a, “I diin i ninjamme.” N din yiin niib na tintaanu maa min got barii maŋ ni,

Yaŋ 118:6

Yennu be nanin, n ki jee siar; nirɔ saa fit teenin bee?

Yaŋ 17:13

Yennu, baat, tookit n datai ki nyannib. Jiin a jukbanjiak ki fatin tondamm nuu ni.

Yaŋ 59:2

Nyintin toonbiit damm boor, ki tinnin nikpiirit nuu ni.

Aisaya 59:16

Li bakitɔe nan waa la ki sɔɔ kaa ki saa somm binba ki bi dintib biak na. Li paak, u saa jii u tiɔŋ yiikooe ki nyinnib, ki te bin nyann.

Aisaya 63:5

Li bakitime, yoo nba ki n got ki la nan sɔɔ kaa ki saa sommin na. Ŋaan n wutoor na turin paŋe, ki n mɔŋ kɔn ki nyann.

Jeremaya 5:1

Jerusalem teeb, tinin ki lin i sɔnjot kur ni. Gotir lint. Lamin i numm. Lomin doi ni, ki laan i saa la nirɔ nba ki u toona ŋan ki u loon Yennu-u? Yi-i saa fit lau, Yennu saa nyik chab Jerusalem-a.

Esekiel 22:30

N gote maa n laan n saa la sɔɔ ki wun guur doo na, ki daa te ki n wutoor do li paaki, ki bia gɔɔrin ki n daa biir doo maŋi, ŋaan n ki la sɔɔ.

Nikant 10:35

Yoo nba kur ki bi din tuu liit nan Yennu mɔlor lakir na, Moses din tuu yete a, “Yennu, fiit, ki ber a datai ki yatib, ki te binba nama na n chiar.”

Matiu 12:30

“Wunba ki see n poor, u kɔn nanime; ki wunba mun ki tikii niib ki teenimi, u yatibe.

3 Jɔɔnn 1:8

li paak, timm Masiaweira ŋarin, li kpaa talase nan tii gaan li nibooru saauŋ. Ŋanne saa te ki timm nan ŋamm-ii chentir Yiisa barmɔnii na wannu mɔɔntii.

Barbuura 5:23

Yennu malaka yet a, “Satir mɔtont Meros paak. Satir mɔtont u niib paak nan ninbinmɔnii, kimaan bi ki baar ki somm Yennu, bi ki baar ki kɔn nan u datai ki turɔ.”