Yaŋ 92:7 - Yennu Gbouŋ Mɔɔr

⁷ Biit damm lek sii kpaatir nan mɔɔt nae; binba tuun toonbiit na lek sii mɔkitire, ŋaan fin Yennu tan saa biiribe fas,

Yaŋ 92:7 ပူးပေါင်းရင်းမြစ်များ

JOB labaar 12:6

Ŋaan nanyukii nan binba ki mi Yennu na be parmaasir nie, ki bi yennii tee panii nba ki bi mɔk na.

Yaŋ 37:38

Yanbɔndamm kur saa boonta, ki bi maaru bia saa boonta.

Yaŋ 73:12

Nɔɔnbiit damm nba tee biaŋinbae na; bi mɔk mɔkint bonchiann ki bia laat ki li pukiib.

Yaŋ 73:22

n bo jatike nan peeuk na, ki ki bant a maan paaki,

Yaŋ 94:4

Biit damm na parbifaanu saa wei nlee? ki bi faa parbia ki jiint bi toonbiit po.

Barjokit 1:32

Niib nba ki mɔk bannu tuu kpo, kimaan baa yêen yanfoon na paak. Ki niib nba tee bonliinii mun tuu boont, kimaan bi baka nba kaa bi mɔŋ po na paak.

Aisaya 37:27

Binba din kɔɔ leŋ na din kaa paŋ. Bi din tiin jaŋmaaniie ki dii fei. Bi din tee nan sarwaauk ni mɔɔt nae, koo mɔɔt nba pia mɔpinn paak, ki wɔruk baar koorib na.

Malakai 3:15

Ti laat nan karinbaandamme tee binba mɔk parpeenn. Ki toonbiit damme laat nyɔɔt, ki bia dia bi toonbiit maŋ ki bikii Yennu, ŋaan ki siar ki biiribi.’ ”

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

1 Piita 1:24

Li sɔb Yennu gbouŋ ni a: “Nisaarik kur tee nan mɔɔt nae, ki u fant tee nan mɔɔt puuk na. Mɔɔt jɔɔkit ki li puut suur baa,