Yaŋ 92:13 - Yennu Gbouŋ Mɔɔr

¹³ Bi tee nan tiinii nba ki bi burib Yennu ŋasaakak ni nae, ki bi kpaatir ki yit Yenjiantu ŋasaakak ni,

Yaŋ 92:13 ပူးပေါင်းရင်းမြစ်များ

2 Barkperii 4:9

Bi din ŋamm nɔɔk ni dindonjouk, ki li tee mannteeb yar, ki bia ŋamm nanyer po dindonjouk. Gana nba din be dindonjot sinsuuk ni na, bi din taanir kutmɔnte.

Estaa 9:4

Sɔɔ kur nba din be yent na ni mi nan Mordekai ji tee yiikoo daanɔe, naan ŋaak na ni, ki u yiikoo na tantir ki pukii.

Yaŋ 100:4

Kɔɔn Yennu ŋasaakak ni nan niipoturu, ki kɔɔ li dindonjouk ni nan dontir. Turimɔ niipoouk kii dontirɔ.

Yaŋ 135:2

yimm nba see Yennu ŋasaakak ni, ki li tee jiantu ŋasaakak na, ii dont u sann.

Yankpaŋii 4:11

N yɔɔk, siat manu na be a mɔgbana paak; a lamm na tee naabiin nan siate n boor. A liant na nubir nan bonnunubit kur nba be Lebanonn nae.

Yankpaŋii 5:15

Ki u pana tee nan tann nba chaa, ki tee jaantarik, ki bi sikinir salima toota ni na. Ki u paŋ tee nan Lebanonn kunkona ni kpek-foot na.

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 61:3

ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Hosea 14:5

N sii tee nan saak nba tuu baa tinkooŋ paak nae ki tur Israel teeb, ki bi saa yit nan tipuut nae, ki saa baa jiina fanu nan Lebanonn tiinii nba tee biaŋinba na.

Rom Teeb 11:17

Juu teeb na tee nan ŋaak ni tiik nba ŋan nae, ki Yennu kɔnn tiik na yiinsai, ki jii muuk ni tiik yiinii, ki tukin nan ŋaak ni yar na, ki li taan yomm. Yimm nba ki tee Juu teeb na tee nan muuk ni tiik yiinu nae, ki gaan Yennu barŋanii nba nyii Juu teeb boor na, ki tee nan muuk ni tiik yiinu nba gaan bonŋann nba nyii ŋaak ni tiik ni na.

Rom Teeb 6:5

Li-i tee ki timm nan Masia lakin kpo, nnae ki ti bia saa lakin fiir kuun ni nan waa din fiir biaŋinba na.

Efesus teeb 3:17

N bia meiɔ a Masia n jii i para ki teen u binbeboor, i yada paak, ki meiɔ a wun te ki yin fit set chib, ki baa jiina ki fɔkin fiakir, ki lomm na-ii paar,

2 Piita 3:18

Ii ŋamm gaar ti Yomdaanɔ Yiisa Masia nba tee ti Tinntɔɔ na lomm nan ninkpabauŋ, kii tumii u mɔmaan na ki pukin. Ŋɔɔe yen dontir mɔkmɔk nan mɔkmɔk. Mamɔmm.