Yaŋ 90:8 - Yennu Gbouŋ Mɔɔr

⁸ A bir ti yanbɔmm a tɔɔnn po, ki bir ti bunbɔr yanbɔmm yeenin ni, siaminba ki a sii laatir.

Yaŋ 90:8 ပူးပေါင်းရင်းမြစ်များ

JOB labaar 10:14

Ki a diitirin, a fan laan n saa tun kpeti, ki lin te ki a yêt ki kan nyik chabin.

JOB labaar 34:21

U laat taaŋmaatir nba kur ki nirɔ ŋmaan.

Yaŋ 10:11

Biit damm yeen a, “Yennu baka kaa, u mun u ninbinawa, u kan mi lati.”

Yaŋ 109:15

Yennu-ii yɔɔ kii tian bi biit po, ŋaan ki niib daa tian bi po tiŋ na paak.

Yaŋ 19:12

Sɔɔ kaa ki saa fit bann u biit. Yennu, nyikin chab n biit nba ki n ki mi li po.

Yaŋ 50:21

I tun linba na kurawa, ŋaan n ki yet siari, ki i ji dukin nan n mun tee nan yimm nae. Mɔtana, n saa yakii naniwa, ki kat wanni, i numm ni.

Yaŋ 80:16

Ti datai chɔɔr ki bir tiŋ ni, ki joor muuwa; gotirib nan wutoor ki biirib.

Barjokit 5:21

Yennu laat faa tuun linba kur. Siaminba kur ki a saan, ŋaan Yennu goriiae.

Banntɔɔ 12:14

Yennu tan saa bu linba kur ki ti tuun na buuta, nan linba ki ti lek tumir bunbɔnn ni, laa lek tee bonŋann koo bonbiiri.

Jeremaya 16:17

N laat linba kur ki bi tuun, siar ki bɔrmi, ki bi biit ki mir bot n tɔɔnn po.

Jeremaya 2:22

Fi-i lekii jii cheeb nba paar ki wur, ŋaan n bia sii laat a jakint.

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Esekiel 8:12

Ki Yennu boin a, “Nisaarik, a la bonbilankant nba ki Israel tɔɔndamm tuun bunbɔnn ni nawa-a? Bi kur be diiuk nba gbee nan pata nae ki jiantirib, ŋaan yeen a n kan labi, kimaan bi dukin nan n yêt ŋamm Israel teebe.

Liifai teeb 4:23

yoo nba ki li tan fiit ki wannɔ nan waa tume na, wun baar nan u Yenpiinii, ki lii tee bujak nba ki mɔk daŋi.

Liifai teeb 4:28

yoo nba ki li tan fiit ki wannɔ, li tee wun baar nan bunaaŋe, wunba ki mɔk daŋ, ki mann maruŋ.

Rom Teeb 2:16

Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

1 Jɔɔnn 3:20

Li-i tee ki ti dudukit wantit nan ti mɔk biit, ŋaant man ki ti tiar nan Yennu-e chee ti dudukit, ki bia mi barii kur.

Fiitu 20:12

Ki n la binba din kpo, nijaana nan tarii na, ki bi see naangbouŋ na tɔɔnn po; ki sɔɔ pɔbit gbant, ki bia pɔbit gbounleer nba ki bi sɔb binba mɔk manfopaann na sana. Ki Yennu bu binba kpo na buut, ki li waa bi toona nba tee biaŋinba, ki li sɔb gbant maŋ ni.