Yaŋ 90:10 - Yennu Gbouŋ Mɔɔr

¹⁰ Ti manfoor tee bina piinlore-e, koo li-i tee ki ti mɔk paŋ, tin baar bina piinniin, ŋaan li kur na teent bakint nan ninbaatire; ti manfoor tuu gbenne yian, ki ti ji ki be.

Yaŋ 90:10 ပူးပေါင်းရင်းမြစ်များ

Pinpiik 47:9

Ki Jakɔb jiinɔ a, “N manfoor nba ki n be nan linluŋ wei nan bina kobik nan piintaa nawa. Bina maŋ waar ki paar ki gar n yeejamm bina nba din tuu yab ki bi lin na.”

Pinpiik 6:3

Ki Yennu yet a, “N foon kii be nirɔ ni yoo kuri, n kan sak ki nirɔ-ii be mɔkmɔk nan mɔkmɔki, kimaan u kpan tee nisaarike, u bina sii tee kobik nan piinlee-e.”

2 Samuel 19:35

N poŋ ji tee bina piinniime na, ki siar ki teenin manti. Mi-i dii ki bia nyuu linba kur, n ki bant li mant. Yanyinna na-i yiin, n bia kan gbat. N kpan sii tee jikir kɔɔe ki teen fin n yomdaanɔ kpanbar.

2 Samuel 19:36

N ki ŋan nan paatii. Li paak, n saa chiana ki gar Jɔɔdann mɔkir waaminnae,

1 Kpanbara 1:1

Tɔn, kpanbar Defid ji din kpet bonchiann, ki u ŋaatoontunna lek tuu pinɔ chinchena, ŋaan ki waat bia mɔkɔ.

JOB labaar 14:10

Ŋaan nisaarik tuu kpoe, ki u joontu kure na; ki wuu kpo, u ji be lee?

JOB labaar 20:8

U saa bote nan damiit na, koo nan faa tuu la yirintu biaŋinba nyiɔk na, ki sɔɔ ji kan ban lau.

JOB labaar 24:24

Toonbiit daanɔ mɔkituk ki wei, ŋaan u tuu tan koore nan mɔɔt na, ki bia koor nan kinkakir nba ki bi tuu chɔɔ na.

JOB labaar 5:7

Barmɔnii, nisaarike te ki daamii baat u mɔŋ paak, nan musankɔɔna nba tuu put ki nyii muu ni ki do sanpaapo biaŋinba na.

Yaŋ 78:39

U din mi nan bi tee nisaariie, ki tee nan wamaasin nba tuu gar ki ji ki jent na.

Aisaya 38:12

N manfoor bo pote ki gbenn, nan baa tuu chaat lanbouŋ na, nan baa saa pot chinchenn nba ki bi daa luu na. Ki n dukin nan Yennu gbent n manfoore na.

Barŋanii nba ki LUK din sɔb nae na 12:20

Ŋanne ki Yennu yetɔ a, ‘Jajatuk na! Nyiɔk na, a manfoor saa kat. Ki laan a mɔkint nba ki a mɔk na, ŋmee saa yenti?’

Sennu 34:7

Moses nba din kpo yoo nba na, u din tee bina kobik nan bina piinlee-e; ŋaan u din daa paar bonchiann, ki bia laat fanu.

Jeems 4:14

i ki mi linba saa baar wonni. I manfoor tee bee? Li tee nan wunn nba tuu baa sanyiɔk ni, ŋaan li-i yann lin yant nae.

Joosua 14:11

ŋaan ki n bia daa mɔk paŋ ki tee nan yoo nba ki Moses din tumin na. N bia daa mɔk paŋ ki saa fit saan tɔb, koo ki tun linba kur be.