Yaŋ 9:19 - Yennu Gbouŋ Mɔɔr

¹⁹ Baat, Yennu, daa te ki nisaarii nyanti. Baat nan binba ki mia na a boor ki tan bu bi buut.

Yaŋ 9:19 ပူးပေါင်းရင်းမြစ်များ

Pinpiik 32:28

Ki jɔɔ na yetɔ a, “A sann ji kii tee Jakɔb kaa, ŋaan a sann ji sii tee Israel-e, kimaan a gbaa nan Yennu, ki bia gbaa nan nisaarii ki nyanna.”

2 Barkperii 14:11

Ki Asa miar u Yomdaanɔ Yennu, ki yet a, “Yennu, a saa fit somm kunkɔnkɔnna nba ki mɔk paŋ ki bin kɔn nyann binba mɔk paŋ. Ti Yomdaanɔ Yennu, sommitit mɔtana, kimaan ti maa a paake, ki a sann nie ki ti nyii a tin took kunkɔnkɔnna nba yabit na. Yennu, fine tee ti Yomdaanɔ, sɔɔ kaa ki saa fit kɔn nyanna.”

Yaŋ 10:12

Yennu, datir biit damm na tuba. Tiat tatimm na po.

Yaŋ 149:7

ki te ki bin nyann digbana na, ki dat niib na tuba,

Yaŋ 3:7

Yennu, baat. Tintin, n Yomdaanɔ. Dint n datai na biak, ki te ki bi daa mɔk paŋ nba saa paanin daŋi.

Yaŋ 44:23

Yennu, fiit, bee ki a gɔɔnti? Kakitir a mɔŋ, ki daa yêent kɔtaa-a.

Yaŋ 44:26

Fiit ki tan sommit, ki tinnit, kimaan a lomm nba ki gbent na paak.

Yaŋ 7:6

Yennu, fiit nan wutoor, setir a taajaa paak, ki took n datai bi wutoor ni, ki sommin, kimaan a tee wunba waa barmɔnii sɔnue.

Yaŋ 79:6

Ŋmantir a wutoor ki paan digbana nba ki jiantira na paak, niib nba ki meia na.

Yaŋ 80:2

fiitir a mɔŋ ki wann Efraim booru nan Benjaminn booru nan Manase booru, ki jii a paŋ ki baar tinnit.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Jeremaya 10:25

Ŋaant ki a wutoor-ii be digbana nba ki jiantira na, nan niib nba yêta na paak. Bi kpii timm nba tee a niib nae, ki biirit fas, ki teen ti doi langbent.

Joel 3:12

“A te digbana na niib n teen siir, ki baar Buut Baauk na ni. Leŋe ki min Yennu saa kar ki bu digbana kur buut.

Maika 5:15

Ki digbana nba ki sak n mɔb na, n saa donn wutoor bi paak, ki dat bi tuba.”

Sefania 3:8

Yennu ŋamm yet a, “Ii tee soon; ii guu daar nba ki n tan saa pak biir digbana na. Li tee n lore nan man tikir digbana nan naan yent ki taamm, ki bin bann n wutoor nba mɔk paŋ biaŋinba. N wutoor nba tee nan muu na tan saa di ki boont tingbouŋ na kur.

Sekaria 14:18

Li-i tee ki Ijipt teeb na yêt lanbont jaamm na dinue, Yennu saa te ki yiarbiiuk nba ki u yaa lin baar digbanlia nba yêt lanbont jaamm dinu na, lin mun baarib.

Fiitu 19:15

Ki jukbanjiak nba di bonchiann tant ki nyii u mɔb ni, ki u saa jiir ki kɔn nyann nibooru kur, ki yentib nan paŋ, ki saa ŋmakirib siaminba ki bi ŋmakii tilɔɔna na, ki li tee Yennu nba mɔk paŋ kur na wutochiɔŋ.

1 Samuel 2:9

“U guu niŋamm manfoa, ŋaan te ki nibiit na kpakin bunbɔnn ni. Nirɔ paŋ kaa te ki u laat nyannu.