Yaŋ 89:19 - Yennu Gbouŋ Mɔɔr

¹⁹ Sianyoo ki a din pak yirintu ni ki tur a barmɔnii toontunnɔ, ki yet a, “N somm kunkɔnkɔnnɔ nan paŋa, n jii naangbouŋ ki tur daanɔ nba ki n gannɔ niib na niŋa.

Yaŋ 89:19 ပူးပေါင်းရင်းမြစ်များ

2 Samuel 17:10

ki li saa te kunkɔnkɔnna nba mɔk para nan yanbɔra na, jaŋmaanii n soorib, kimaan Israel teeb kur mi nan a baa tee kunkɔnkɔnjaanne, ki u jab na bia mɔk para.

1 Kpanbara 11:34

Ŋaan n kan fat naan na kur Solomonn boori, n saa te ki wuu mɔk yiikoo u manfoor ni kur. N saa tun linba na kur, kimaan n toontunnɔ Defid nba ki n gannɔ ki u dia n sennu nan n ŋmakita fanu na paak.

Yaŋ 3:4

N yi Yennu-e ki loon sommir, ki u be u kasii kunkonn paak, ŋaan teenin gatu.

Yaŋ 42:3

Yonnu ni nan nyiɔk kur ki n mɔ ki ninnyuut tee n jeet. Ki n datai yɔɔ ki boin a, “A Yennu na be lia?”

Yaŋ 89:3

A din yet a, “N senn n mɔlor nan nirɔ nba ki n ganne. N senn mɔsonn nan n toontunnɔ Defid-e a,

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Jeremaya 30:21

Bi diarɔɔ saa nyi bi tiɔŋ digbann nie, ki bi yudaanɔ n nyi bi tiɔŋ niib ni. U saa baar n boor yoo nba ki n yiinɔe. Ŋmee sii mɔk par ki baar ŋaan ki n ki yiinɔ. Bi sii tee n niibe, ki n tee bi Yennu. Min Yennu-e pak na.”

Barŋanii nba ki MAK din sɔb nae na 1:24

“Fin Yiisa, Nasaref nirɔ na, timm nan fin nlee mantiki? A baar a a tan biirite-e? N mi faa tee wunba; a tee Yennu Popeendaanɔ nae.”

Barŋanii nba ki LUK din sɔb nae na 1:70

Yaayoo ni, Yennu din pak nan u popeenn sɔkiniinba ki turit,

2 Piita 1:21

kimaan Yennu sɔkiniinba sɔɔ din ki mi dukin u mɔŋ loomm ni ki paki, ŋaan Yennu Seyeeŋe din wantib biaŋinba ki bi saa pak labaar nba nyii ŋɔɔ Yennu boor na.

2 Piita 3:2

N loon ki ii tian mɔmaan nba ki Yennu sɔkiniinba din pak li po yaayoo ni na, kii biaki tian sennii nba ki ti Yomdaanɔ, wunba tee ti Tinntɔɔ din pak na, ki timm nba tee u toomiinba beti na.

Fiitu 3:7

Ki wunba ki n lau na bia betin a n sɔb mɔmaan na ki tur u weira nba lakin be Filadelfia doo ni na malaka a: “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia Defid peenu na, ki li-i tee ki u loot gann, sɔɔ kan fit looni; ki wuu biaki loon, sɔɔ kan fit looti.

1 Samuel 16:1

Ki Yennu yet Samuel a, “A saa fabin Sɔɔl po ki lin wei nlee? N yêtɔwa nan u ki tee Israel teeb kpanbar jikii. Mɔtana, lomin olif tiinii kpan, ki wuun yinn ni, kii saa Betlehem, jɔɔ nba ki bi yiu Jese na boor, kimaan n gann u waas na yenɔe ki u sii tee kpanbar.”

1 Samuel 16:18

Ki u toontunna na yenɔ betɔ a, “N la Jese nba nyii Betlehem na bija, ki u tee wunba saa fit faa kɔnn fanu. U mɔk par, ki tee kunkɔnkɔnnɔ, ki piak ki ki bitin, ki bia tee naasinŋaŋ, ki Yennu be nanɔ.”