Yaŋ 80:13 - Yennu Gbouŋ Mɔɔr

¹³ Mɔdoorii biirire, ki muuk ni bonkobit bia di ŋanne.

Yaŋ 80:13 ပူးပေါင်းရင်းမြစ်များ

2 Kpanbara 17:20

Ki Yennu yêt Israel teeb na kur, ki dat bi tuba, ki jiib kubin databiit nuu ni, nan waa tan boontib ki gbenn fas fas.

Yaŋ 89:42

Ki a te ki u datai nyannɔ, ki te bi kur mɔk parpeenn.

Aisaya 5:5

“Maa saa tun linba ki tur n kpaab maŋ tee nnae: n saa bet gungouŋ nba lintir nae faba, ki yeer joonjouk nba guur na, ki te muuk ni bonkobit n kɔɔ ki ŋmamir, ki ŋmaatir.

Jeremaya 4:7

Yanbɔr nba tuu nyi u bɔr ni ki baat biaŋinba na, nnae ki digbana biirtɔɔ na nyii ki baat. U baat a wun biir Juda-e. Juda doi saa biar langbente, ki sɔɔ kan kɔɔ leŋi.

Jeremaya 5:6

Li paak, yanbɔr saa nyi fɔɔr ni ki lekib, ki kinkatir saa nyi kunkoouk paak ki biirib, ki naamuuk sii dɔɔ kpia bi doo ki guub, ki saa pat wunba nyii nanyer, kimaan bi mɔyêtuk na yab bonchiann, ki yoo kur bi ki waa Yennu sɔnii.

Jeremaya 51:34

Babilonn kpanbar pot pot Jerusalem ki nakɔwa. U nyik doo na koonte nan sɔkoonn na, ki nakir nan waakper nba tuu nak bonkobuk biaŋinba na. U jii linba ki u loone ŋaan lu linba tenn na.

Jeremaya 52:7

ki Nebukanesar jab na daa Jerusalem joonjot na. Babilonn jab nba lek din ŋaa loon doo na, ŋaan ki doo na jab nyii nyiɔk ki chiar bot. Bi din tɔkin kpanbar kpaab na poe, ki gar tammɔb nba ki joona ŋanlee che leer na ni, ki chiar tɔkin Jɔɔdann mɔkir baauk po.

Esekiel 19:12

Ŋaan ki n donn wutoor, ki dat fukitɔ nan u jiina, ki lu-u tiŋ ni, siaminba ki wonfufuk da, ki koor li lɔɔna, ki n jint li yiinpaara, ki li koor, ki dii muu.

Nahum 2:3

Kunkɔnkɔnna nba tee datai na dia naagbankɔŋ mɔnte, ki bia lia liatmɔnt, ki tee siir a bin lek. Ki bi taantorit nyirii nan muu na, ki bi taanii chibit.