Yaŋ 79:6 - Yennu Gbouŋ Mɔɔr

⁶ Ŋmantir a wutoor ki paan digbana nba ki jiantira na paak, niib nba ki meia na.

Yaŋ 79:6 ပူးပေါင်းရင်းမြစ်များ

Yaŋ 14:4

Yennu boi a, “Bi ki mi-ii?” Toonbiit damm maŋ ki mi-ii? Bi di n niib nan nirɔ nba tuu di jeet na, ki bia ki meimi.

Yaŋ 145:18

Yennu ki fɔk nan binba kur yiu na, binba yiu nan bi para kur na.

Yaŋ 53:4

Yennu boi a, “Bi ki mi-i? Toonbiit damm maŋ ki mi siari-i? Bi di n niib nan nirɔ nba tuu di jeet nae, ki bia ki meimi.”

Yaŋ 69:24

A donn wutoor bi paak, ki te a wutobiiuk na n boontib,

Aisaya 42:25

Ŋanne te ki u wutoor gbatit, ki ti di tɔb wahala. U wutoor di Israel kur po nan muu nae, ŋaan ti din ki bann linba tuun ki tumii siar li ni.

Jeremaya 10:25

Ŋaant ki a wutoor-ii be digbana nba ki jiantira na, nan niib nba yêta na paak. Bi kpii timm nba tee a niib nae, ki biirit fas, ki teen ti doi langbent.

Jeremaya 25:29

N saa piin biiru na n tiɔŋ doo nie. Bi dukii a bi kan la tubdatu amii? Aaii, bi saa la tubdatuwa, kimaan n yaa man baar nan tɔbo nisaarik kur paak, tingbouŋ na ni. Min Yabint Daanɔ Yennu-e pak na.

Sefania 3:8

Yennu ŋamm yet a, “Ii tee soon; ii guu daar nba ki n tan saa pak biir digbana na. Li tee n lore nan man tikir digbana nan naan yent ki taamm, ki bin bann n wutoor nba mɔk paŋ biaŋinba. N wutoor nba tee nan muu na tan saa di ki boont tingbouŋ na kur.

Jɔɔnn 16:3

Bi tan saa tun linba na ki turiwa, kimaan bi ki mimi, ki bia ki mi n Baa.

Jɔɔnn 17:25

N Baa, Popeendaanɔ, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Toona 17:23

kimaan maa kak lin i doo na, n got i tingbana, ki bia la jiantu binbintir ki li sɔb li paak a ‘Yennu nba ki ti ki miu na.’ N loon ki n wanni Yennu nba ki i pukiiɔ ŋaan ki miu nae.

Rom Teeb 1:28

Nisaarii nba din ki loon bin bann Yennu na, li paake ki Yennu nyikib nan bi dudukbiit, ki bi tuun toona nba bi bonchiann.

1 Korint teeb 1:2

ki teen yimm Yenweira nba be Korint doo ni, yimm nba ki Yennu yiini a yii tee u popeenn damm na, yimme tee u yab ki taa nan Yiisa Masia, ki pukin niib nba be siaminba kur ki jiantir ti Yomdaanɔ Yiisa Masia; ŋɔɔe tee bi Yomdaanɔ, ki mun bia tee ti Yomdaanɔ na.

2 Tesalonika teeb 1:8

ki dat binba ki sak u barŋanii ki bia ki mi Yennu na tuba;