Yaŋ 79:1 - Yennu Gbouŋ Mɔɔr

¹ Yennu, binba ki waa-a na lek a tiŋa. Bi biir a kasii ŋasaakak nawa ki but Jerusalem.

Yaŋ 79:1 ပူးပေါင်းရင်းမြစ်များ

2 Kpanbara 24:13

ki jii mɔkint nba be Yenjiantu ŋasaakak ni, nan linba be kpanbar ŋaak ni kur, ki saan namm Babilonn. Nan Yennu nba din pak na, Nebukanesar din jii salima bona nba ki kpanbar Solomonn din kɔɔn Yenjiantu diiuk ni ki bi dia tuun toona na kure.

2 Barkperii 36:17

Li paak, Yennu din te Babilonn kpanbar lekib. Babilonn teeb din kpii Juda naasinpaauŋ, jiantu ŋasaakak na ni. U din ki mɔk ninbatinu nan bi sɔɔ, li nipaauŋ, koo nikpera, koo jɔɔ, koo poo, koo baatɔɔ, koo wunba mɔk laafia. Yennu din jii Juda teeb kur ki kubin Nebukanesar nuu ni.

2 Barkperii 36:19

Nebukanesar din joo Yenjiantu ŋasaakak na, nan Jerusalem doo, nan li naanŋei, nan mɔkint nba kur be li ni na muu, ki bia bet doo na joona.

Yaŋ 50:1

Yabint daanɔ nba tee Yennu na piak. U yi tingbouŋ na kur, laa nyii yondo po ki saa tuu yonbaa po.

Yaŋ 78:71

waa sii kpaar pei na, ki u jiiu ki teenɔ kpanbar, ki u sii gorii u niib Israel teeb, binba tee ŋɔɔ Yennu faar na.

Nyinu 15:17

A baar namme ki tan maamm a kunkonn paak, siaminba ki fin Yennu gann ki li tee a doo na, jiantu ŋasaakak nba ki a tiɔŋ maa na boor.

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Aisaya 63:18

Timm nba tee kasii niib na din kɔɔ kar a kasii doo na ni waame, ŋaan mɔtana ti datai ji biirira.

Jeremaya 26:18

“Yoo nba ki Hesekia din tee Juda kpanbar na, ki Yennu sɔkinii Maika nba nyii Moresef na pak niib na kur linba ki Yabint Yennu pak na a, ‘Bi saa ko Sayɔnn nan baa tuu ko tammɔnn nae, ki Jerusalem sii tee langbent, ki Yenjiantu ŋasaakak kunkonn na saa kpant fɔɔr.’

Jeremaya 39:8

Ki sɔɔ ki Babilonia jab na joo naan ŋaak nan niib na ŋei muu, ki bia bet Jerusalem joonjota.

Jeremaya 51:51

I yeen a, ‘Ti dii fei ki la yukpiasira, ti la nan ti ki mɔk sommtɔɔ nan yenɔkɔɔwa, kimaan boorganu gaar kasii boa nba be Yenjiantu Ŋasaakak ni nawa.’

Jeremaya 52:13

U din joo Yenjiantu Ŋasaakak na, nan naan ŋaak na, nan nijaana na kur ŋei muu,

Fabinii 1:10

Ki datai na fat u mɔkint kur. Ki u la ki bi kɔɔ Yenjiantu ŋasaakak na ni tiɔŋ, siaminba ki Yennu ki saak binba ki waau kɔɔ na.

Esekiel 9:7

Ki Yennu yetib a, “Ii biir Jiantu Ŋasaakak na man, ki gbeen li dindouŋ nan nikpeena. Piint toonn man.” Ŋanne ki bi piin ki kpi niib nba be doo na ni.

Maika 3:12

Tɔn, i biit paake ki bi saa ko Sayɔnn doo nan baa tuu ko kpaab biaŋinba na, ki Jerusalem saa biar ki tee tangbiinkpeka, ki Yennu ŋasaakak nba be kunkonn nba paak na, saa kpant fɔɔr.

Barŋanii nba ki LUK din sɔb nae na 21:24

Ki kunkɔnkɔnna tan saa baar ki kpi bi siab nan jukbanjai, ki bia tan saa soor siab ki saan namm tinii kur po, ki teemm yommii. Ki binba ki tee Juu teeb na tan saa yent Jerusalem mɔkmɔk nan bi yoo nba tan saa gbenn.

Fiitu 11:2

ŋaan daa bikii li dindounjouku, kimaan n jii ŋanne ki tur binba ki tee Juu teeb na, ki bi tan saa yent Yennu doo na ŋmaarii piinna nan ŋanlee;