Yaŋ 78:13 - Yennu Gbouŋ Mɔɔr

¹³ Yennu din bɔkit mɔkgbeŋir ki te ki bi somm gar li ni, ki te nyunpana set nan joona na.

Yaŋ 78:13 ပူးပေါင်းရင်းမြစ်များ

Yaŋ 38:7

Ki n gbanant di muu nan yuyeeuk, ki n ki mɔk laafia.

Yaŋ 66:6

U te ki mɔkgbeŋir kpant tinkooŋ, ki ti yeejamm somm tiŋ maŋ ni ki poot. Ŋanne ki ti ji kpamm waa tun nna maŋ.

Nyinu 14:21

Ki Moses tant u nuu mɔkgbeŋir na paak, ki Yennu te wonpaaruk nyii yondo po ki da nyun na paak, ki li bɔkit. Wouŋ na din da nnae nan tiŋ na nba tan koor. Nyun na din bɔkite,

Nyinu 14:22

ki Israel teeb somm tinkooŋ, mɔkgbeŋir na ni, ki poot, ŋaan ki nyunjoona see gaŋ nan diitu po kura.

Nyinu 14:29

Ki sɔɔ Israel teeb na ŋarin somm tinkooŋ ki poota, ki nyunjoona be gaŋ nan diitu kur po.

Nyinu 15:8

A da mɔkgbeŋir paake, ki nyun gbab ki set sunsonn nan joonjouk na, ki mɔkgbeŋir tiŋ po nyɔɔnt.

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Habakuk 3:15

Ki a te a taanii na chibit mɔkgbeŋir na paak, ki nyunchiɔŋ na teen nyunpuuk.

Joosua 3:13

Li-i tee ki mannteeb nba jikin Yennu nba yen tingbouŋ kur na mɔlor lakir tan ŋmaa Jɔɔdann mɔkir na ni, li nyun saa jite, ŋaan taant poo boyennkɔɔ ni.”

Joosua 3:16

ki nyun na jit, ki taant poo, ki kpia nan doo nba ki bi yir Adam, ki li kpia Saretann doo na. Ki mɔkir maŋ nyun nba tuu puub ki siik Mɔk-kpeenn ni na jit, ki li te niib na fit somm poot, siaminba naak Jeriko na.