Yaŋ 77:19 - Yennu Gbouŋ Mɔɔr

¹⁹ Ki a somm gaar nyunpana ni, ki tɔkin poot mɔkgbeŋir, ŋaan sɔɔ ki laat a taaboota.

Yaŋ 77:19 ပူးပေါင်းရင်းမြစ်များ

2 Samuel 22:8

Yennu din donn wutoore, ki tingbouŋ na damm ki jekir, ki sanpaak bia damm, ki jekir.

Nehemaya 9:11

A din bir sɔnu mɔkgbeŋir na ni ki tur a niib, ki bi somm tinkooŋ paak ki poot, ki binba din waa beerib na dii nyun nan tann nba tuu baa mɔkgbeŋir ni ki kpii biaŋinba na.

JOB labaar 23:14

U saa gbeen waa lor a wun tun linba ki turima; lor maŋ tee u lora nba ki u mɔk na yenne;

JOB labaar 36:29

Sɔɔ ki mi sanpagbant na nba chari biaŋinba, koo biaŋinba ki satianii na nyi sanpagbant na ni, siaminba ki Yennu be na.

Yaŋ 104:32

Wuu got tingbouŋ, li jekire, wuu sii jɔjaana ki li nyi munyuut.

Yaŋ 29:10

Yennu mɔk yiikoo mɔkgbeŋa na paak. Yennu-e tee kpanbar mɔkmɔk nan mɔkmɔk.

Yaŋ 97:2

Sanpagbant nan bunbɔnne lintɔ; u dia niib nan binbenŋaŋe nan mamɔmm.

Yaŋ 97:4

U sanyikintii tuu yent durinya nae, ki tingbouŋ na n la ki jekir.

Nyinu 14:28

Ki nyun na jen ki piin taantorit na nan li ŋmakit-teeb na, nan Ijipt tɔbfaara nba bo waa beer Israel teeb ki sik mɔkgbeŋir ni na, nan bi yenɔkɔɔwa din ki tinni.

Nyinu 19:18

Sainai jɔɔr na kur po din loo nan munyuute, kimaan Yennu din sik nan muu, jɔɔr maŋ paake. Munyuut na din doo sanpaapo, ki tee nan mutunn munyuut nae, ki jɔɔr na damm bonchiann.

Habakuk 3:15

Ki a te a taanii na chibit mɔkgbeŋir na paak, ki nyunchiɔŋ na teen nyunpuuk.

Rom Teeb 11:33

Yennu mɔkint ki mɔk gbennu; ki u yan nan bannu sumii bonchiann. Ŋmee mi ŋɔɔ Yennu dudukit ki saa fit bann u sɔnii?