Yaŋ 76:6 - Yennu Gbouŋ Mɔɔr

⁶ Fin Yennu nba ki Jakɔb din jiantir na, yoo nba ki a yakii namm na, ki bi taanii nan taanjakira baa ki kpo kpo.

Yaŋ 76:6 ပူးပေါင်းရင်းမြစ်များ

2 Samuel 10:18

Israel jab din waa Siria kunkɔnkɔnna, ki bi tiin ŋmat poor. Defid nan u kunkɔnkɔnna din kpii Siria kunkɔnkɔnna nba be taantorit paak kobii ŋanlore, nan taanjakira tusaa piinna, ki tur Sobak nba tee bi kunkɔnkɔnna saakɔɔ na daŋ. U din kpo tɔb na nie.

2 Kpanbara 19:35

Li daar nyiɔk ki Yennu malaka saan Asiria jab kaaŋ na ni, ki saa kpii kunkɔnkɔnna tusaa kobik nan piinniin nan ŋanŋmu. Li tan yent sanyiɔk, ki bi dɔɔ kpowa.

2 Barkperii 32:21

ki Yennu tun malaka ki u baar kpii Asiria kunkɔnkɔnna na, nan bi saakab. Li paak, ki Asiria kpanbar na din ŋmat kun u doo ni nan fei. Dasiar ki u tan be u tingbann ŋaak ni, ki u bonjayenii kpiiu nan bi jukbanjai.

Yaŋ 104:7

Yoo nba ki a yakii nan nyun na, ki li chiar; laa gbat a satianii fuur yoo nba, ki li chiar yaat,

Yaŋ 18:15

Yennu, yoo nba ki a gaar jat a datai paak, ki yakii namm nan wutoor na, ŋanne ki mɔkgbeŋir tiŋ po ji dɔɔ yann, ki tingbouŋ fiakir nyɔɔnt.

Yaŋ 80:16

Ti datai chɔɔr ki bir tiŋ ni, ki joor muuwa; gotirib nan wutoor ki biirib.

Nyinu 15:1

Li poor poe ki Moses nan Israel teeb na yin yaŋ na ki tur Yennu a: “N saa yin ki tur Yennu, kimaan u nyann baakir nyannuwa. U lu taanii nan taanjakira, mɔkgbeŋir niwa.

Nyinu 15:10

Ŋaan fin Yennu foont a foon yommo, ki Ijipt teeb na kur dii nyun, ki kpii nan tann na nyunchiɔŋ na ni.

Nyinu 15:21

Ki Miriam yiin ki teemm a: “Yinin yaŋ ki tur Yennu, kimaan u nyann nyannjaann ki lu taanii nan taanjakira mɔkgbeŋir niwa.”

Aisaya 37:36

Ŋanne ki Yennu malaka saan Asiria teeb kaaŋ ni, ki saa kpii jab tusaa kobik nan piinniin nan ŋanŋmu. Laa yent sanyiɔk ki bi dɔɔ ki kpowa.

Jeremaya 51:39

Bi tee jawudamme-e? N saa teen jaamm ki turib, ki te bin nyu yib kii mɔk parpeenn. Bi saa gɔɔn ki kan ban yerikii.

Jeremaya 51:57

N saa te ki li doo diara, nan li yandamm nan li tɔɔndamm, nan li jab n yib. Bi saa gɔɔn ki kan ban yerik. Min kpanbarjaanne pak na. Mine tee Yabint Yennu.

Esekiel 39:20

Bi saa ŋman taanii, nan taanjakira, nan li kunkɔnkɔnna, nan jab nba kɔn kɔna na, baa saa fit biaŋinba, jeet dindiboor. Min Yabint Yennu-e pak na.”

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Nahum 2:13

Yabint Yennu yet a, “N tee a dataake. N saa joo a taantorit muu, ki bi saa kpi a kunkɔnkɔnna na tɔb ni, ki n bia saa gaar linba kur ki a fat a leeb boor na, ki bi ji kan ban gbat a toomii na kunkɔra.”

Nahum 3:18

Asiria kpanbar, a yent saakab na kpowa, ki a nijaana na bia gɔɔn tɔra, ki a niib na yat kunkona na paak, ki sɔɔ kaa ki saa jiib ki jen namm bi ŋei ni.

Sekaria 12:4

Li yoo na, n saa ŋaan ki jaŋmaanii n soor bi taanii na, ki te bi taanjakira maŋ n waat. N sii guu Juda teeb, ŋaan te ki datai taanii na n jɔɔn.

1 Samuel 26:12

Ki Defid jii kpann nan nyun lenn nba see ki kpia Sɔɔl yur na, ki bi yaat nann. Ki sɔɔ ki bann koo ki la linba tumi, koo ki bi sɔɔ fit fiiri. Ki bi kur gɔɔnt, kimaan Yennu-e te ki bi gɔɔn kpo.