Yaŋ 75:1 - Yennu Gbouŋ Mɔɔr

¹ Yennu, ti teena niipoouk, ti teena niipoouk, kimaan a naak nant. Ti piak a yabint nba tee biaŋinba, ki bia want a bakitnauŋ toona nba ki a tuun.

Yaŋ 75:1 ပူးပေါင်းရင်းမြစ်များ

Yaŋ 138:2

N gbaan ki took a kasii ŋasaakak na, ki dont a sann, kimaan a lomm nba kaa gbennu, nan a mamɔmm na paak, kimaan a wann nan a sann nan a sennii mɔk yiikoo ki gar bont kur.

Yaŋ 145:18

Yennu ki fɔk nan binba kur yiu na, binba yiu nan bi para kur na.

Yaŋ 44:1

Yennu, ti gbat nan ti tubawa, ti yeejamm betit faa din tun linba ki turib sianyoo nawa.

Yaŋ 50:1

Yabint daanɔ nba tee Yennu na piak. U yi tingbouŋ na kur, laa nyii yondo po ki saa tuu yonbaa po.

Yaŋ 57:1

Tinimin ninbaauk, Yennu, tinimin ninbaauk, kimaan a niŋe ki n seek gur. A kpinkpant maasue ki n laat fatu, daamii nba tuu baarin nan laa tuu tan gar.

Yaŋ 58:1

Yimm nba tee yudamm na, i bu buut fanu-u? I bu buut nan barmɔnii ki teen sɔɔ kuri-i?

Yaŋ 76:1

Yennu sann nyɔɔnt Juda yent ni, ki u sann la baakir Israel tingbouŋ ni,

Nyinu 23:21

Gbiintir u maan ki sak u mɔb. I daa yêen u maan ki kɔn nanɔ, kimaan mine tumɔ, ki u kan nyik chab i mɔyêtuku.

Jeremaya 10:6

Yennu, sɔɔ kaa ki tee nan fin na, a tee Yenjaanne, ki a sann yab, ki bia mɔk paŋ.

Sennu 4:7

“Digbansiar kaa, li-i tee ki u yabint tee biaŋinba, ŋaan u ki mɔk Yennu nba naakɔ nan ti Yomdaanɔ Yennu nba be nant na. Yoo nba kur ki ti miarɔ, u tuu gat ki turite.