Yaŋ 73:28 - Yennu Gbouŋ Mɔɔr

²⁸ Min ŋarin, li ŋan bonchiann nan maa naak Yennu na, n jii Yabint daanɔ Yennu ki u teen n gungurboor. N saa pak wann u toona kur.

Yaŋ 73:28 ပူးပေါင်းရင်းမြစ်များ

Yaŋ 107:22

Bin jii maruŋ ki turɔ niipoouk nan yanii nba tee parpeenn yanii, ki lin wann waa tun linba kur.

Yaŋ 116:7

N par, ii ji kii foi, kimaan Yennu ŋan turin.

Yaŋ 118:17

N kan kpo, n sii foe ki mɔɔntir linba Yennu tun.

Yaŋ 14:6

Toonbiit damm na kut labin sikin-n-mɔŋ daanɔ lorae, ŋaan Yennu-e tee u fat-tɔɔ.

Yaŋ 40:5

Ti Yomdaanɔ Yennu, a tun bona bonchiann ki turit; sɔɔ ki be ki tee nan fin na. A lor lorŋana bonchiann ki jiin ti po. N kan fit kan li kur, li yab bonchiann.

Yaŋ 65:4

Damm nba ki a gannib na, parpeenn tee bi yare; ŋamme tee binba ki a baar namm a bii be a kasii boor na, ki ti saa gboo nan bonŋana nba be a ŋaak ni na, ki tee piisin nba be a kasii ŋasaakak ni na.

Yaŋ 66:16

Yimm nba kur tiin Yennu jaŋmaanii na, baat man ki tan gbiint, ki n saa beti waa tun linba ki turin.

Yaŋ 71:15

N saa pak a popeensin nba tee, ki bia pak a tinnu po daar kur, li lek yab gar n bannu nba teewa.

Yaŋ 71:17

Yennu, maa din tee bika, ki a tumiin a mɔmaan, n bia daa tian ki piak a bakitnauŋ toona po.

Yaŋ 71:24

N saa pak a popeensin po daa kur, kimaan niib nba koor a bin turin daŋ na, n nyannib, ki bi dii feiwa.

Yaŋ 84:10

Mi-i dɔɔr daar yennkɔɔ a ŋasaakak ni, li chee nan man dɔɔr siar po daa tusir. Mi-i see Yennu ŋasaakak boor ki guu tammɔb, li chee nan man kɔɔ nibiiuk ŋaak.

Jeems 4:8

Chatir nakin Yennu man, ki u mun saa nakini. Yimm biitdamm, wuut i nii man; yimm dudukit ŋanleledamm maŋ, ŋammit i para man.

1 Piita 3:18

kimaan Masia din gaar timm biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiiu, ŋaan ki u bia fiir kuun ni, Yennu Seyeeŋ paŋ ni.

1 Samuel 14:36

Sɔɔl din yet u jab na a, “Ŋaant ki tin saan Filistia jab boor nyiɔk, ki saa lekib ki lin tan yent sanyiɔk, ki kpi bi kur.” Ki bi jiin a, “Tumin faa loon biaŋinba.” Ki manntɔɔ na yet a, “Ŋaant ti sint boi Yennu-wa.”