Yaŋ 73:25 - Yennu Gbouŋ Mɔɔr

²⁵ N ji mɔk bee yendɔuŋ ni, li-i kii tee fini kaa? Ki tingbouŋ na paak, n kii loon siar ki pukin a po.

Yaŋ 73:25 ပူးပေါင်းရင်းမြစ်များ

Yaŋ 104:34

U par-ii mei n yaŋ maŋ paak, kimaan n parpeenn nyi u boore.

Yaŋ 16:11

A saa wannin sɔnu nba saa manfoor niŋa. A benu teenin kpinkpammuk bonchiann, ki baat nan parmann n boor yoo kur.

Yaŋ 16:2

N yet Yennu a, “Fine tee n Yomdaanɔ, bonŋana nba kur ki n mɔk, li nyii a boore.”

Yaŋ 16:5

Yennu, n mɔk fin kuukɔɔe, fine teenin maa loon linba kur. N tɔɔnn po benu kur be a nuu nie.

Yaŋ 17:15

Ŋaan n saa la fin Yennu-wa, kimaan n ki tun biit nan waama; ki mi-i gɔɔn tan yerik, a benu tuu turin kpinkpammuk bonchiann.

Yaŋ 37:4

Lomin parpeenn Yennu boor, ki u saa tura a par nba loon linba.

Yaŋ 43:4

Yennu, n saa saan a maruŋ binbintir boore, fine tee n parpeenn nyakir, ki n saa faa kɔnn ki yin yaŋ ki donta. Yennu, fine tee n Yennu.

Yaŋ 63:3

A lomm nba mɔk nyɔɔt ki gar manfoor na, li paak ki n saa dont a sann.

Yaŋ 89:6

Yennu, sɔɔ ki be yendɔuŋ ni ki tee nan fin na; malakanba nba be yendɔuŋ ni, bi sɔɔ ki tee a lɔɔ.

Matiu 10:37

“Wunba loon u naa koo u baa ki garin, u ki ŋan nan wun teen n poorpoweitɔɔ; wunba mun bia loon u bija koo u bipoo ki garin, u ki ŋan nan wun teen n poorpoweitɔɔ.

Matiu 5:8

“Binba para yeen, parpeenn tee bi yare, kimaan ŋamme saa la Yennu.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent taa tan sii be biaŋinba. Ŋaan taa daa mi linbae na, a Yiisa-i taŋi jen, ti tan saa la waa set tee biaŋinbawa, li paak, ti tan saa kpint ki tee nan ŋɔɔ nae.

Fiitu 21:3

Ki n gbat ki kunkɔsaakar nyii naangbouŋ na boor ki yeen a “Nnara, Yennu ŋaak ji be nisaarii boore, ki ŋɔɔ Yennu sii be namm, ki bi sii tee u niib, ki ŋɔɔ Yennu mɔŋ sii be bi boor ki tee bi Yennu,