Yaŋ 73:24 - Yennu Gbouŋ Mɔɔr

²⁴ Ki a dian nan kpaanii, ki li joontik, a tan saa gaarin nan baakir.

Yaŋ 73:24 ပူးပေါင်းရင်းမြစ်များ

Yaŋ 16:7

N dont Yennu, kimaan u ŋmakitirin. Ki nyiɔk n dudukit teenin kpaanii.

Yaŋ 25:9

ki dia binba sikin bi mɔŋ, ki wantib u sɔnu.

Yaŋ 32:8

Ki Yennu yet a, “N saa wanna faa sii be biaŋinba, ki sii kpaana ki goriia.

Yaŋ 48:14

“Yennu na tee ti Yennu-e mɔkmɔk nan mɔkmɔk, ki sii tee ti ŋmakit-tɔɔ nan durinya gbennu.”

Yaŋ 49:15

Ŋaan Yennu saa fatin kuun nuu ni, ki saa jiin, ki mii be u boor.

Yaŋ 84:11

Kimaan Yennu-e tee ti guutɔɔ nan ti kpanbar, ki tee piisin ti paak, ki ti laat burchint nan baakir, ki binba tuun linba ŋan, u ki miimm bonŋana.

Barjokit 8:20

N somm popeensin sɔnu na nie, ki waa barmɔnii sɔnu na,

Aisaya 30:21

Yi-i bot ki saan diitu po koo gaŋ po, i saa gbat u kunkɔr i poor po, ki li yeen a, “Sɔnue na. Ii waar.”

Aisaya 48:17

Israel teeb kasii Yennu nba tinti na yet a, “Mine tee i Yomdaanɔ Yennu, ki loon man tumii-i, ki lii ŋan turi, ki wanni sɔnu nba ki i sii tɔkii.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Aisaya 58:8

“Ŋanne ki n lomm saa yent i paak nan sanyiɔk ni yondoor na, ki i fiat saa buur yian. N sii be nani yoo kur ki tinni; n benu i boor saa guuri lokir kur po.

Nikant 9:22

Sanpagbouŋ na nba sii baak Yennu lanbouŋ na paak yoo biaŋinba kur, laa lek tee daa ŋanlee, koo ŋmaarik, koo binn, koo ki wei gar nna, ŋaan sanpagbouŋ na nba sii baak lanbouŋ na paak ki wei biaŋinba, nnae ki bi sii be bi kaaŋ ni. Wuu taŋi dɔkit Yennu lanbouŋ na paak yoo nba, bin mun chaat bi kaaŋ.

Barŋanii nba ki LUK din sɔb nae na 11:13

Ki li-i tee yimm nba tee biitdamm na mi biaŋinba ki i saa tur i waas bonŋana, i Baa Yennu nba be sanpaapo na mantik kan jii u Seyeeŋ maŋ ki tur binba meiɔ li po na-a?”

Barŋanii nba ki LUK din sɔb nae na 23:46

Ki Yiisa tan yikin sanpaapo ki yet a “N Baa Yennu, n jikit n seek ki kubint a nuu ni.” U yet nnae ŋaan ji kpo.

Jɔɔnn 14:3

Ki mi-i kun ki saa teen diit na siir ki gbenn, n bia saa jenna ki tan jii-i, ki i tan sii be siaminba ki n be na.

Jɔɔnn 16:13

Yennu Seyeeŋ nba want barmɔnii na, wuu taŋi baar yoo nba, u saa wanni barmɔnii kura. U tan kii piak u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan saa teene.

Jɔɔnn 17:24

“N Baa, a jiib ki tur mine, ki n loon bii taŋi be maa tan sii be siaminba, ki bin la faa dont n sann biaŋinba, kimaan a din loonime, yoo nba ki a daa ki nan durinya na.

Jɔɔnn 17:5

N Baa, turimin dontir a boor mɔtana, dontbooru nba ki n din laat, maa din be a boor ki a daa ki nan durinya na.

Toona 7:59

Bi din jaatɔe dik dik; ki u tan yiin ti Yomdaanɔ a, “N Yomdaanɔ Yiisa, gaat n seek;”

2 Korint teeb 5:1

Tɔn, ti mi nan gbanant nba ki ti mɔk mɔtana na-i taŋi kpo, ti mɔk ŋaak nba ki Yennu saa turit sanpaapo, ki li ki tee nisaarik kaa maa ŋaak maŋi, ki li bia tan sii be nan yoo nba kaa gbennu.

Sennu 18:2

Bi daa mɔk tiŋ faar nan boorlia nba mɔk na. Bi tor tee baa mɔk yaak ki sii tee Yennu mannteeb nae, nan ŋɔɔ Yennu nba senn mɔsonn biaŋinba na.

Jeems 1:5

Li-i tee ki i sɔɔ pɔt yan, wun miar Yennu nba pi sɔɔ kur piinii nan burchint, ki ki dint sɔɔ fei na, ki u saa turɔwa.