Yaŋ 72:10 - Yennu Gbouŋ Mɔɔr

¹⁰ Ki Speenn kpanbara nan binba kɔɔ tinii nba be mɔkgbeŋa sinsuuk ni na saa jiantɔ; ki Sieba nan Seba kpanbara saa baar nan piinii;

Yaŋ 72:10 ပူးပေါင်းရင်းမြစ်များ

Pinpiik 10:7

Kus bonjai din tee Seba, nan Hafila, nan Sabta, nan Raama, nan Sab-teka. Raama bonjai din tee Seba nan Dedann.

1 Kpanbara 10:1

Ki Sieba poobat gbat Yennu nba te ki Solomonn sann doo biaŋinba, ki baar Jerusalem a wun tan boi Solomonn buboit nba paar, ki bikinɔ.

1 Kpanbara 10:10

Li yoo na ki u jii piinii nba ki u dia na ki tur kpanbar Solomonn: ki salinkuna gar baajii kobika, ki bonnunubit nan tanbinyinyira nba daauk paar mun bia yab halii. Poo na nba din tur Solomonn bonnunubit nba, li din yab ki gar Solomonn nba mi gaar bonnunubit nba kur niib boora.

1 Kpanbara 10:2

U din tɔk nan niib bonchiann nan laagumiinba, ki bi jii bonnunubit, nan tanbinyinyira nba daauk paar, nan salima bonchiann. Waa baar Solomonn boor yoo nba, ki u boi Solomonn buboit nba kur ki u dukin.

1 Kpanbara 10:25

Ki wunba kur baat din tuu dia piiniie, li salimpeena nan salimmɔna nan liant nan jatiat nan bonnunubit nan taanii nan bontaanii. Li din yɔɔ tuun nnae binn kur.

2 Barkperii 9:21

Kpanbar Solomonn ŋaruŋ nan kpanbar Hiram ŋaruŋ din lakin tuune ki saa banfɔka. Bina ŋantaa kur, ki bi jent nan salimmɔna, nan salimpeena, nan loobnyana, nan kpataa, nan waanii.

Estaa 10:1

Kpanbar Serses din te niib nba kpia mɔkgbeŋir, u yent ni, nan binba be tiŋ sinsuuk ni na tuun mabir toonn.

Yaŋ 45:12

Taya doo ni niib saa baar nan piinii ki tura, ki mɔkita sii koor a bin maŋ nana.

Yaŋ 68:29

A jiantu ŋasaakak nba be Jerusalem na paak, ki kpanbara saa baar nan piinii ki tura.

Yaŋ 68:30

A yakii nan Ijipt nba naan nan bonkob-gbeŋir nba be kinkauk niŋ na, ki bia yakii nan digbana nba naan nan naajai nba ŋmat nan naabis na, ki te ki bi kur n sikin bi mɔŋ ki jii bi likirii ki tura; ki yat niib nba mɔk niɔŋ ki loon tɔbii faanu na.

Aisaya 42:10

Yinin yanpaaŋ ki tur Yennu, durinya kur n yin dontɔ. Yimm nba be ŋarint ni, nyun paak na, ii dontɔ, bonfoa nba kur be nyun ni, ii dontɔ. Digbanbanfɔka nan niib nba kur be leŋ, ii yiin man.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 43:6

N saa pak gaŋ po ki wun te bin kun, ki bia pak diitu po ki u daa gɔibi. Ŋaant ki n niib n nyi banfɔka, durinya na munn po, ki ŋmat kun.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 60:3

Digbana saa baar a yentu na ni, ki kpanbara saa baar a dapaann yentu na ni.

Aisaya 60:6

Laagumiinba saa jii jika ki nyi Midiann nan Efa ki baar a boor. Bi saa nyi Sieba ki baar nan salima nan bonnunubit. Niib saa pak barŋanii ki jiin linba Yennu tun na po.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Matiu 2:11

Ki bi kɔɔ ŋaak maŋ ni, ki la bik na nan u naa Meeri; ŋanne ki bi gbaan ki jiant bik maŋ, ŋaan biit bi paka ki nyinn piinii ki turɔ; piinii maŋ din tee salima nan tulaarii nba ki bi yir frankinsens nan tulaar-leer nba ki bi yir mir.