Yaŋ 7:17 - Yennu Gbouŋ Mɔɔr

¹⁷ N teen Yennu niipoouk, u ŋamm paak. N yiin yaŋ ki dont Yennu, wunba tee Yabint Daanɔ na.

Yaŋ 7:17 ပူးပေါင်းရင်းမြစ်များ

2 Samuel 3:29

U kpinu tubdatu n ŋmat baa Joab nan u ŋaateeb kur paak, ki u maaru kur ni jasɔɔ tuu sii be bi ni, ki mɔk fiɔk nba luun chɔuŋ, koo sɔɔ sii mɔk gbanant paak yiarbiiuk, koo sɔɔ sii be ki tuun poob toona kuukɔɔ, koo bin kpi sɔɔ tɔb ni, koo sɔɔ sii be ki kii laat di ki li jaŋitɔ.”

1 Kpanbara 2:32

Yennu saa dat Joab tubir, niib maŋ kpinu paaka, kimaan u din kpiib, ki n baa Defid ki mi li po. Joab din kpii jab banlee nba ki bi binbeŋ ŋan ki gar u yar. Ŋamme tee Abner, wunba din tee Israel kunkɔnkɔnna saakɔɔ na, nan Amasa, wunba din tee Juda kunkɔnkɔnna saakɔɔ na.

Estaa 9:25

Ŋaan ki Estaa saan kpanbar boor, ki u saa turɔ yiikoo gbant, ki te ki bi jɔnn Hamann, nan waa din lor biaŋinba ki jiin Juu teeb po na. Bi din jɔnn ŋɔɔ nan u bonjai nae dachaata paak.

Yaŋ 111:3

U toona kur gbee nan baakir nan yiikooe; ki u ŋamm kaa gbennu.

Yaŋ 140:10

Ŋaant ki musankɔɔna n baa bi paak; ŋaant ki bin baa bootuk ni ki ji daa mi do.

Yaŋ 145:7

Bi saa pak a ŋamm kur po, ki yin yanii ki jiin a popeensin po.

Yaŋ 35:28

N sii mɔɔntir a kasii binbeŋ po, kii dontir a sann daar kur ni.

Yaŋ 51:14

Yennu, nyikin n manfoor ki tinnin, ki n saa jii parpeenn ki mɔɔnt a kasii binbeŋ.

Yaŋ 9:2

N Yabint Yennu, n sii yiin nan parpeenne kimaan a paak, n sii yiine ki dontira.

Yaŋ 92:1

Yennu, li ŋan ki tin tura niipoouk bonchiann. Yabint Yennu, li ŋan ki tin yin yaŋ ki tura baakir,

Yaŋ 92:8

kimaan fin Yennu-e tee yiikoo daanɔ yaayoo siiyoo.

Yaŋ 98:2

Yennu-e mɔɔnt waa nyann biaŋinba, ŋɔɔe fiit u tinnu yiikoo na ki wann niib.

Daniel 4:17

Malaka nba diitir fanu na lore na, a niib nba be lokir kur po n bann nan Yabint Yennu mɔk paŋ nisaarii naan paak, ki fit dint wunba kur ki u loon na naan, li-i lekii tee nibutiŋ nba joont gbaa.’ ”

Daniel 4:25

Bi saa ber nyinna niib binbeboor, ki a sii be nan muuk ni bonkobit, ki sii ŋman mɔɔt nan naab na bina ŋanlore, ki sii dɔɔ yeenin ni, siaminba ki marin saa baa a paak. Bina ŋanlore saa gar a paak, ŋanne ki a saa bann nan Yabint Yennu-e dia nisaarii naan kur, ki u fit jikitir ki teen wunba kur ki u gann.

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Toona 7:48

“Ti lek mi nan Yabint Yennu ki kaar ŋei nba ki niib maa ni kaa. Li tee nan Yennu sɔkinii nba din yet a:

Barbuura 9:24

Yennu din te ki linba na tun, a lin te Abimelek nan Sekem teeb nba din te ki u kpii Gideonn bonjai piinlore n la tubdatue li paak.

Barbuura 9:57

Yennu bia din te ki Sekem teeb dii biak bi tonu paak, ki li tun nan Gideonn bija Jotam nba din yet a bi saa di biak, yoo nba ki u din sat mɔtont bi paak na.