Yaŋ 7:16 - Yennu Gbouŋ Mɔɔr

¹⁶ Bi tubdatu nyi bi tiɔŋ toonbiit nie; bi danii nyi bi tiɔŋ kpikpiruk nie.

Yaŋ 7:16 ပူးပေါင်းရင်းမြစ်များ

1 Kpanbara 2:32

Yennu saa dat Joab tubir, niib maŋ kpinu paaka, kimaan u din kpiib, ki n baa Defid ki mi li po. Joab din kpii jab banlee nba ki bi binbeŋ ŋan ki gar u yar. Ŋamme tee Abner, wunba din tee Israel kunkɔnkɔnna saakɔɔ na, nan Amasa, wunba din tee Juda kunkɔnkɔnna saakɔɔ na.

1 Kpanbara 21:19

Pakimɔ nan min Yennu yeenɔ a, ‘A kpii jɔɔwa ŋaan bia yaa fan jii u faari-i?’ Pakimɔ nan maa yet linba tee nnae: ‘Siaminba ki bɔi lenn Nabof sɔn na, leŋe ki bɔi mun bia saa lenn a sɔn.’ ”

Estaa 7:10

Ŋanne ki bi jɔnn Hamann dachaatir nba ki u chaan ki guun Mordekai na paak. Tɔn, ki kpanbar na wutoor ji maak.

Estaa 9:25

Ŋaan ki Estaa saan kpanbar boor, ki u saa turɔ yiikoo gbant, ki te ki bi jɔnn Hamann, nan waa din lor biaŋinba ki jiin Juu teeb po na. Bi din jɔnn ŋɔɔ nan u bonjai nae dachaata paak.

JOB labaar 4:8

N ban la niib tuun toonbiit nan bi ko kpaant na, ki buur tonu nan bonboorii na, ki tan jaan tont nan biit.

Yaŋ 141:10

Ŋaant biit damm na n baa bi barit nba ki bi bar na ni, ŋaan ki min daa laat siara daŋi.

Yaŋ 35:8

Bi tan sii bant na ki biiru tunn bi paaka, ki barit nba ki bi pii na, lin soorib, ŋaant ki bin baa bootuk na ni, ki lin biirib.

Yaŋ 36:12

Gotir toonbiit damm nba baa dɔɔ, ki dɔɔ ki kan fit fiiri.

Yaŋ 36:4

Wuu be u dɔɔnu ni gbaa, u lorin bonbiire. U ki tuun siar ki li ŋani, u bia ki yêen linba ki ŋani.

Yaŋ 57:7

Yennu, n be nan parcheenne; n saa yin yaŋ ki donta.

Yaŋ 9:16

Yennu kasii buut niŋe ki u fiit u mɔŋ ki wann. Ŋaan biit damm na tuu baa bi tiɔŋ toona nie.

Barjokit 1:19

Nanyukin yɔɔ nyint nanyukii manfoore; linba nae tuun ki teen daanɔ nba be toonbiit mɔkint ni.

Barjokit 26:27

Niib nba pii bi leeb barit na, li tuu tan ŋmat soor ŋamme. Niib nba birintir tana a lin nyak leeb na, li tuu tan ŋmat nyak ŋamme.

Banntɔɔ 10:8

Li-i tee ki a gbii bootuk, fine tan saa mann baa li ni, ki fin nba bet dikpinkper, waauko tan saa juma.

1 Samuel 23:9

Yoo nba ki Defid gbat nan Sɔɔl lorin a wun lekɔ na, ki u yet manntɔɔ Abiatar a, “Baat nan manntɔɔ liatjabik na.”

1 Samuel 26:10

Ki Defid tukin ki yet a, “Barmɔnii nan Yennu nba fo na, n mi nan Yennu tiɔŋo saa kpi Sɔɔl. Laa sii tee u yooe tan saa baar ki wun yiar ki kpo, koo u tan saa saan tɔbe ki saa kpakin li ni.

1 Samuel 28:19

U saa jii fin nan Israel teeb ki tur Filistia teeb. Wonn, fin nan a bonjai won sii be n boor. Yennu bia saa jii Israel kunkɔnkɔnna ki tur Filistia jab.”