Yaŋ 7:13 - Yennu Gbouŋ Mɔɔr

¹³ U jikit u jatiat nba kpi kuun nae; u yekit u peenii nba mɔk muu nae.

Yaŋ 7:13 ပူးပေါင်းရင်းမြစ်များ

JOB labaar 6:4

Yabint Yennu yekin peenii, ki li lɔbii na saat n gbanant kur powa. Yennu-e bir biiru na chinchuuntuk a lin biirin.

Yaŋ 11:2

kimaan biit damm jii bi tɔrbana ki be bunbɔnn ni ki tekin peenii a bin yek niŋamm na.

Yaŋ 144:6

Tumin sanyikintii ki lin yat a datai. A tɔ a peenii na ki a datai n chiar.

Yaŋ 18:14

ki u yek u peenii ki yat u datai. U jii sanyikintiie ki weib, ki bi chiar.

Yaŋ 45:5

A tɔrbann peenii porin, ŋaant ki lin yek saar a datai parbiia, digbana niib n baa a taa po.

Yaŋ 64:3

Bi ŋat bi jerima, ki li di nan jukbanjai nae, ki bia nyint bi mɔbonbiit, ki li tɔ nan tɔrbanpeenii na,

Yaŋ 64:7

Yennu saa yekib u peenii, ki li saa turib danii yiama.

Fabinii 2:4

U tɔ u peenii na ti paak, ki li tee nan u tee ti dataake na, ki kpii binba kur ki ti numm gboob ki bi tuu maant ti para na. Jerusalem na nie ki ti bann u wutoor nba do ti paak biaŋinba.

Habakuk 3:11

Ki a peenii nba saa yian yian ki nyirii, nan a kpann nba nyirii na te ŋmaarik nan yonnu tuu biar set.

Habakuk 3:13

Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Sennu 32:23

“ ‘Ki n saa te ki bonbiir n baarib ki sii kaa gbennu. Ki n saa tɔ n peenii kur bi paak.

Sennu 32:41

nan n saa ŋat n jukbanjiak ki tun buut toonn. N saa ŋmat took n dataiwa, ki dat binba ki loonin na tuba.

Sennu 32:42

N saa te ki n peenii n nyu bi sɔn, ki n jukbanjiak na saa kpi wunba kur biirin. N kan nyik bi sɔɔ nba kɔn nanin. Binba la danii nan yommii na kur saa kpowa.’

2 Tesalonika teeb 1:6

Yennu-e tuun linba took; u saa te ki binba dinti fara maŋ n mun di fara nnae,

Fiitu 16:6

kimaan baa kpii a niib nan a sɔkiniinba nae, ki a jii sɔn ki turib a bin nyu. Ŋanne jaŋ namm.”

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”