Yaŋ 69:35 - Yennu Gbouŋ Mɔɔr

³⁵ kimaan u saa tinn Jerusalem-a, ki bia ŋamm maa Juda dolia, ki u niib saa kɔɔ kar leŋ ki yent tiŋ na;

Yaŋ 69:35 ပူးပေါင်းရင်းမြစ်များ

1 Barkperii 16:32

Ii ŋaan mɔkgbeŋa nan bonfoa nba kur be li ni na n dun; ŋaant fɔɔr nan bonfoa nba kur be li ni-ii kpamm,

Yaŋ 102:13

A saa fiir ki tin Sayɔnn doo ninbaauk, kimaan yoo baar nan fan tinir ninbaauka; yoo nba nae jaŋ.

Yaŋ 102:16

Yoo nba ki Yennu saa ŋamm maa Sayɔnn na u saa fiit u yabint ki wann.

Yaŋ 145:10

Yennu, a naamii kur saa dont a sann, ki a niib kur saa tura niipoouk.

Yaŋ 145:21

N sii yɔɔ piak Yennu-e; ŋaant ki u naamii kur n pak dont u kasii sann yaayoo nan yaayoo.

Yaŋ 148:4

Sanpaak nan nyun nba be sanpagbant liik po na n pak dontɔ.

Yaŋ 51:18

Yennu, tinin Sayɔnn doo ninbaauk ki sommir, ŋammit maa Jerusalem joona.

Aisaya 14:32

Ti saa pak toomii nba nyii Filistia yent ni ki baar ti boor na bee? Ti saa pakib nan Yennu-e senn Sayɔnn, a u niib nba di fara na n la fatu leŋ.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 44:26

Ŋaan n toontunnɔ-i bunt buntir, koo mi-i tun toomii a wun wann n lora, n tuu te ki buntir na, nan n lora na n teen mɔniie. N pak Jerusalem, a niib tan saa ŋamm kar leŋ, ki pak Juda doi, a niib tan saa ŋamm maab. Bi saa ŋamm ki fiin doi maŋ langbent.

Aisaya 46:13

N chari nan nyannu daar nae, ki nakint, li ki fɔk nan waama. N nyannu na kan wei nan baaru. N saa tinn Jerusalem-e, ki Israel teeb n la baakir leŋ.”

Obadia 1:17

“Ŋaan Sayɔnn kunkonn paak, siab saa tin paak, ki li sii tee kasii boor. Ki Jakɔb ŋaateeb saa yent tiŋ nba tee bi yar nan barmɔnii.

Fiitu 14:1

Ki n yirintu maŋ ni ki n bia gokit ki la Pegann na, ki u see kunkonn nba ki bi yir Sayɔnn na paak, ki niib tuskobik nan tuspiinna nan tusaa ŋanna, binba mɔk u sann nan u Baa sann bi yugbia paak, ki bi lakin see nanɔ.