Yaŋ 68:4 - Yennu Gbouŋ Mɔɔr

⁴ Yinin yanii ki tur Yennu, yinin ki dont u sann, yinin ki dont daanɔ nba jaak sanpagbouŋ paak; ki u sann tee Yennu na. Ii mɔk parpeenn u tɔɔnn.

Yaŋ 68:4 ပူးပေါင်းရင်းမြစ်များ

Yaŋ 104:3

ki senn a doo, nyun nba be sanpaapo na paak. A jii sanpagbante ki teen a taantorit, ki jak wouŋ kpinkpant paak.

Yaŋ 16:11

A saa wannin sɔnu nba saa manfoor niŋa. A benu teenin kpinkpammuk bonchiann, ki baat nan parmann n boor yoo kur.

Yaŋ 18:10

Ki u kar u bonfoa nba mɔk kpinkpant paak ki bi yukir, ki wouŋ saa nanɔ.

Yaŋ 5:12

Yennu, a teen daansiab nba saak a mɔb nae piisin, ki a lomm tee nan naagbankɔŋir na ki nyintib daŋ ni.

Yaŋ 66:2

ki yin yaŋ ki baakit u sann, ki turɔ dontir nan baakir,

Yaŋ 66:4

Sɔɔ kur nba be tingbouŋ na ni jiantira. Bi yiin yanii ki dontira. Bi yiin yanii ki dontir a sann.”

Yaŋ 67:4

Ŋaant ki digbana teeb-ii mɔk parpeenn ki yin yanii nan kpinkpammuk, kimaan a bu niib buut nan barmɔnii, ki bia ŋmakitir digbana kur tingbouŋ na paak.

Yaŋ 68:33

ki tur ŋɔɔ nba jaak yaayoo ni sanpagbouŋ paak na. Gbiintir u satian-paarii.

Yaŋ 83:18

Ŋaant ki bin bann nan fine tee Yennu, ki tee yabint daanɔ, tingbouŋ na kur po.

Yaŋ 97:11

Yentu tuu yent kasii damm paake; ki parmaasir baat niŋamm paak.

Nyinu 3:14

Ki Yennu yetɔ a, “N tee maa tee wunbae. Li kpaa talas fan pak linba na ki turib a wunba sann yi ‘MINE TEE’ nae tumin i boor.

Nyinu 6:3

N dɔkit Abraham paak, nan Aisak paak, nan Jakɔb paak, ki tee Yabint Yennu-e, ŋaan n ki wann n mɔŋ ki turib nan n kasii sann nba tee Yennu na.

Nyinu 6:8

N saa jii-i ki baar nani tiŋ nba ki n por senn nan n saa tur Abraham nan Aisak nan Jakɔb na ni, ki set saa jii tiŋ maŋ ki turi, ki li sii tee i faar. Mine tee Yennu.’ ”

Barjokit 10:28

Niŋamm dindann teemm kpinkpammuko, ŋaan nibiit ŋarin ki laat siari.

Aisaya 19:1

Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Aisaya 40:3

Sɔɔ hoot ki yeen a, “Ŋammit sɔnu muuk ni, ki tur Yennu, ŋammit sɔnu kunkoouk paak, ki turɔ.

Aisaya 62:10

Jerusalem teeb, nyimin doo na ni man, ki faa sɔnu ki tur i niib nba jent na. Faan sɔnjar ki gbab tana. Ii teen dɔk ki digbana na n bann

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.