Yaŋ 66:7 - Yennu Gbouŋ Mɔɔr

⁷ Yennu-e dia durinya nan u paŋ, ki u ninbina gorii digbana kura, Mɔyêtdamm daa fi ki tookitɔ.

Yaŋ 66:7 ပူးပေါင်းရင်းမြစ်များ

2 Barkperii 16:9

Yennu-e laat durinya na niib kur, ki teen binba para be nanɔ fanu na paŋ. I tun jatiiwa, li paak, laa nyii mɔtana ki saa, i sii tun be tɔb nie.”

JOB labaar 9:4

Yennu mantik sub, ki bia mɔk paŋ; ki nisaarik kan fit tookɔ.

Yaŋ 11:4

Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun.

Yaŋ 140:8

Yennu, a daa teen biitdamm na baa loon linba; a daa te ki bi laat nyannu bi lorbiit ni.

Yaŋ 145:13

A naan kaa gbennu, ki a sii yɔɔ dia a niib. Yennu see u mɔsona paake, ki mɔk ninbatinu u toona kur ni.

Yaŋ 33:13

Yennu be yendɔuŋ ni ki tibin got ki la nisaarik kur.

Yaŋ 62:11

N gbat ki Yennu yet nan taar munŋaa nawa, a paŋ tee u yare,

Yaŋ 75:6

Sɔɔ kaa ki saa nyi yondo po koo yonbaa po koo niidiitu po koo niigaŋ po ki fit donn nisaariki;

Nyinu 18:11

Mɔtana, n mi nan Yennu-e tee Yenjaann ki gar yennii nba kur be, kimaan u tun linba na, yoo nba ki Ijipt teeb dia Israel teeb nan nɔɔntont nae.”

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Matiu 28:18

Ŋanne ki u chat nakimm, ŋaan yet a “Yennu turin sanpaak nan tiŋ yent kurawa.

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’